धनगढीको चटकपुरमा एक महिला अचेत अवस्थामा फेला

९ जेठ, काठमाडौं । कैलालीको धनगढी उपमहानगरपालिका–४ स्थित चटकपुरमा एक महिला अचेत अवस्थामा फेला परेकी छन् । मंगलबार दिउँसो दिनेश एफएफ नजिकै महिला बेहोस अवस्थामा फेला परेकी हुन् ।

उनी सडक किनारमा बेहोस अवस्थामा फेला परेको प्रहरीलाई खबर गरिएको स्थानीयको भनाइ छ । प्रहरीले महिलालाइ उपचारमा पठाएकाे छ । अन्दाजी ४५ वर्ष उमेरकी ति महिलाको निधारमा चोट लागेको पाइएको छ । घटनाबारे अनुसन्धान भइरहेको प्रहरीले जनाएको छ ।