चिनियाँ दूतावासको टोली र रास्वपाका नेताहरुबीच भेटवार्ता

११ जेठ, काठमाडौं । नेपालका लागि चिनियाँ दूतको प्रतिनिधिको टोलीले राष्ट्रिय स्वतन्त्र पार्टी (रास्वपा)का नेताहरूसँग भेट गरेको छ । चिनियाँ दुतावासका डिसिएम वाङ शिनसहितको प्रतिनिधि टोली बिहीबार रास्वपा पार्टी कार्यालय बसुन्धरा पुगेर नेताहरुसँग छलफल गरेको छ । 

कुटनीति शिष्टाचार बताइएको सो भेटमा समसामयिक राजनीतिक विषयमा छलफल भएको बताइएको छ । भेटमा रास्वपाका तर्फबाट उपसभापति डोलप्रसाद अर्याल, सहमहामन्त्री कविन्द्र बुर्लाकोटी, केन्द्रीय सदस्य प्रतिभा रावल लगायत नेताहरु सहभागी थिए । 

भेटघाटमा नेपाल–चीनको द्वीपक्षीय सरोकार र हितका विषयमा छलफल भएको नेतृ रावलले बताइन् । रास्वपा संसदको चौथो शक्ति हो । उ अहिले सरकारमा सहभागी छैन ।