जलहरी विवादमा माओवादी केन्द्र र एमाले आ-आफ्नै अडानमा, बैठक अझै अनिश्चित
नेपालबहस संवाददाता
जेठ १२, २०८० शुक्रबार १६:०:३८
१२ जेठ, काठमाडौं । शुक्रबार प्रतिनिधिसभाको बैठकमा सत्ता पक्ष माओवादी केन्द्र र प्रमुख प्रतिपक्षी नेकपा एमालेका सांसदहरूबीच चलेको पशुपतिनाथको जलहरीको गुणस्तर विवादमा दुवै पक्ष आ–आफ्नो अडानबाट पछि नहट्ने संकेत दिएका छन् ।
विवादपछि एमालेले बैठक अवरुद्ध पारेको छ । यही जेठ १० गते सरकारको नेतृत्व गरिरहेको माओवादी केन्द्रका सांसद लेखनाथ दाहालले सरकार ल्याएको आगामी आर्थिक वर्षको नीति तथा कार्यक्रममाथिको छलफलमा भाग लिँदै धारणा राख्ने क्रममा तत्कालीन एमाले नेतृत्वको सरकारले पशुपतिनाथ मन्दिरको जलहरी सुनको भनेर पित्तलको राखी भ्रष्टाचार गरेको बताएका थिए ।
सोही अभिव्यक्तिलाई लिएर एमालेले आजको बैठकमा आपत्ति जनाउँदै दाहालको भनाइ गलत रहेको भन्दै माफी माग्नुपर्ने अडान राखेको छ । बैठक स्थगित गरेर दुई दलबीच बैठक राखेर सभामुख देवराज घिमिरेले निकास निकाल्ने प्रयास गरेपनि सफल हुन सकेको छैन ।
स्रोतका अनुसार अन्य दलहरूले पनि दुई दलबीच सहमति जुटाउने प्रयास गरिरहेका छन् । छलफलमा एमालेले दाहालले माफी माग्नुपर्ने अडान राखेको छ भने माओवादी केन्द्रले प्रश्न उठेर विवादमा तानिएका जलहरीमाथि छानबिन गर्नुपर्ने अडान लिएको छ ।
सांसद दाहालले आफूले जलहरीबारे गलत नबोलेको र संसदको मर्यादा उल्लंघन नगरेको बताएका छन् । जलहरीमाथि विवाद उठेका कारण छानबिन समिति गठन गर्नुपर्ने उनको भनाइ छ ।
सरकारले पेस गरेको नीति तथा कार्यक्रममाथि सांसदहरुले उठाएका प्रश्न र दिएका सुझावमाथि प्रधानमन्त्री प्रचण्डले जवाफ दिने आजको बैठकको कार्यसूची रहेको छ । बैठक सुचारु हुन नसक्दा कार्यसूची प्रभावित हुन पुगेको छ ।
अर्कोतिर जेठ १५ गते बजेट ल्याउनुपर्ने संवैधानिक वाध्यता सरकारसँग छ । नीति तथा कार्यक्रम संसदबाट पारित हुन नसके सरकारको काम कारवाही नै प्रभावित हुने संभावना छ । एमालेले सरकारले ल्याएको नीति तथा कार्यक्रमलाई ‘उद्देश्यहीन’ र ‘कागजको खोस्टो’ भन्दै पारित हुन नदिने चेतावनी दिँदै आइरहेको एमालेले बैठक अवरुद्ध गर्न सुरु गरेको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपभोलि मतदान हुने इलाम र बझाङमा सबै सवारीसाधन निर्वाध चल्न दिने आयोगको निर्णय
बैशाख १४, २०८१ शुक्रबार
प्रधानमन्त्री दाहाल मोरङमा
बैशाख १४, २०८१ शुक्रबार
प्रधानमन्त्रीसँग एडीबीका उपाध्यक्षको शिष्टाचार भेट
बैशाख १४, २०८१ शुक्रबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
चितुवाको आक्रमणमा परी युवक घाइते
बैशाख १४, २०८१ शुक्रबार
मर्स्याङ्दी जलाशयमा मोटरबोट चढ्ने आकर्षण
बैशाख १४, २०८१ शुक्रबार
धनुषामा नौ सयभन्दा बढीमा हात्तीपाइले रोग
बैशाख १४, २०८१ शुक्रबार
तीन करोड मानिसको स्वास्थ्यमाथि खेलबाड गर्ने चौधरी समूहलाई २ लाखमा उन्मुक्ति
बैशाख १४, २०८१ शुक्रबार
गणेशमान सिंह क्रिकेटमा सुदूरपश्चिम विजयी
बैशाख १४, २०८१ शुक्रबार
लाओसमा दादुरा, रुबेलाबाट बालबालिकालाई जोगाउन खोप अभियान सुरु
बैशाख १४, २०८१ शुक्रबार