प्रतिनिधिसभा र राष्ट्रियसभाको संयुक्त बैठक जारी

१४ जेठ, काठमाडौं । प्रतिनिधिसभा र राष्ट्रियसभाको संयुक्त बैठक नयाँबानेश्वरस्थित संसद भवनमा जारी छ । बैठकमा नियमावली मस्यौदा समितिको प्रतिवेदनमाथि दफावार छलफल भइरहेको छ । 

मस्यौदा समितिका सभापति ध्रुवबहादुर प्रधानले सङ्घीय संसद्को बैठक र संयुक्त समिति (कार्यसञ्चालन) नियमावली २०८० को मस्यौदा प्रतिवेदनमाथिको संशोधनसहितको दफावार छलफलमा गएको शुक्रबार संयुक्त सदनमा पेस गरेका थिए ।  बैठकमा सांसदहरुले मस्यौदामा संशोधनसहित छलफमा भाग लिने क्रम सकिएकाे छ ।

अहिले सांसदहरुले मस्यौदामाथि संशोधनसहित उठाएका प्रश्नरुको जवाफ मस्यौदाका प्रस्तावक एवं राप्रपाका सांसद ध्रुवबहादुर प्रधानले दिइरहेका छन् ।

आजको बैठकमा अर्थमन्त्री प्रकाश शरण महतले आर्थिक वर्ष २०७९/८० को आर्थिक सर्वेक्षण पेस गर्ने सम्भावित कार्यसूचीमा रहेको छ । सरकारले भोलि जेठ १५ गते आगामी आवको बजेट घोषणा गर्दैछ ।