कांग्रेस कार्यकर्ताले पार्टीबारे नकारात्मक कुरा गर्न छाड्नुपर्छः शेखर कोइराला

१५ जेठ, काठमाडौं । नेपाली कांग्रेसका नेता शेखर कोइरालाले नेता कोइरालाले कांग्रेस पार्टीका बारेमा नकारात्मक कुरा गरेर संगठन कमजोर बनाउने काम नगर्न नेता तथा कार्यकर्तालाई निर्देशन दिए । उनले पछिल्लो समय अन्यत्रबाटै भन्दा कांग्रेसका नेता र कार्यकर्ताबाट पार्टीलाई कमजोर बनाउने खालका विचार र गतिविधिहरू भइरहेको बताका छन् ।

ललितपुर निर्वाचन क्षेत्र नं. १ को प्रथम सम्मेलनलाई सम्बोधन गर्दै कोइरालाले नेतृत्वले गल्ती गरेपनि कांग्रेस पार्टी र सिदान्तमा कुने कमजोरी नरहेको भन्दै कांग्रेसका विचार, नीतिलाई अगालेर अनावश्क र नकारात्मक कुरा गर्न सबै नेता र कार्यकताले छाड्नुपर्ने बताए । कोइरालाले पार्टीलाई  एक बनाएर गुटविहिन बनाएर जनतालाई कांग्रेस एक भएकोको सन्देश दिनुपर्ने बताए ।

उनले गणतन्त्र राजाबाट नभई राजनीतिक दलहरूबाटै खतरामा रहेको बताए । कोइरालाले राजनीतिक दलका शैली र क्रियाकलाप ठिक नभएकाले गणतन्त्रप्रति जनताको वितृष्णा पैदा भएको बताए । उनले भने‚ ‘राजाका गतिविधि हुने बित्तिकै गणतन्त्र खतरामा पर्ने भयो भनेर भन्छौं तर उनीबाट होइन, यदि गणतन्त्र खतरामा कसैबाट छ भने राजनीतिक दलहरुबाटै छ ।’

सरकारले भ्रष्टाचार नियन्त्रण गर्न, सुशासन दिन, विधिको शासनमा देशलाई हिँडाउन, महँगी नियन्त्रण गर्न नसकेकै कारण जुन व्यवस्था आए पनि उस्तै रहेछ भन्ने छाप जनतामा परेको उनले बताए ।