विहे गर्न नमान्दा प्रेमीले गरे ‘प्रेमिका’सहित २ जनाको हत्या

१८ जेठ, बुटवल । प्रेमिकाले विवाहको प्रस्ताव अस्वीकार गरेको भन्दै एक युवाले प्रेमिका र उनकी काकाको ज्यान लिएका छन् ।

विवाहको प्रस्ताव अस्वीकार गरेको भन्दै रुपन्देहीको कञ्चन गाउँपालिका–२ का २२ वर्षीय मोहन थारुले गएराति कपिलवस्तुको बाणगंगा नगरपालिका–६ मटेरियाकी आफ्नी ‘प्रेमिका’का १८ वर्षीया अञ्जली थारु र उनका काका ७० वर्षीय बमबहादुर थारुको ज्यान लिएका हुन् । 

रोहनले राति ९ बजेरि सुरुमा अञ्जलीमाथि चक्कुले आक्रमण गरेको र अञ्जलीलाई बचाउन आउने क्रममा काका बमबहादुरलाई समेत चक्कु प्रहार गरेर गम्भीर घाइते बनाएका थिए । 

गम्भीर घाइते अञ्जलीको मेडिकल कलेज भैरहवा र बमबहादुर जीतपुरस्थित सामूदायिक अस्पतालमा उपचारका क्रममा मृत्यु भएको प्रहरीले जनाएको छ । 

चक्कु प्रहार गर्ने मोहनलाई घटनास्थलबाटै प्रहरीले नियन्त्रणमा लिएको छ । मोहन र अन्जनीबीच प्रेम सम्बन्ध रहेको खुलेको प्रहरीको दाबी छ । विवाहका कुरामा विवाद चल्दा घटना भएको पाइएको छ । मोहन मटेरियामा बदला लिनकै लागि घरदेखि पुगेको बताइएको छ । अहिले घटनाको अनुसन्धान भइरहेको प्रहरीले जनाएको छ ।