धुलोले आजित भएपछि स्थानीयद्वारा सडक अवरुद्ध
नेपालबहस संवाददाता
जेठ १८, २०८० बिहिबार १४:२३:५९
१८ जेठ, दमौली । पृथ्वीराजमार्ग अन्तर्गत मुग्लिन पोखरा सडक विस्तारले गर्दा धुलाले समस्या भएको भन्दै तनहुँको सदरमुकाम दमौलीका स्थानीयले केही बेर सडक अवरुद्ध गरेका छन् । धुलोले दैनिक जनजीवन प्रभावित भएको र धुलो नियन्त्रणका लागि सम्बन्धित निकायले पहल नगरेको भन्दै स्थानीयले आज मुख्यसडकखण्ड केही बेर अवरुद्ध गरेका हुन् ।
धुलोका कारण स्वास्थ्यमा समस्या बढ्दै गएको र सम्बन्धित निकायले पानी हालेर धुलो नियन्त्रण नगरेका कारण बाध्य भएर केही बेर सडक अवरुद्ध गर्नुपरेको स्थानीय राजकुमार श्रेष्ठले बताए । उनले भने, “विकास निर्माणका काममा धुलो उड्छ, तर त्यसलाई नियन्त्रणका लागि नियमित रुपमा पानी हाल्नुप¥यो, हामीले दबाब स्वरुप केही बेर सडक अवरुद्ध गरेका हौँ ।” नियमित रुपमा पानी हालिदिए धुलो नउड्ने र सर्वसाधारणलाई सहज हुने उनको भनाइ थियो ।
स्थानीय कृष्ण श्रेष्ठले नियमित रुपमा पानी हालेर धुलो नउड्ने वातावरण बनाउनुपर्ने र आफूहरुको माग सुनुवाइ नभए थप आन्दोलन गर्ने बताए । राजमार्ग विस्तारको काम भइरहँदा तनहुँ खण्डका विभिन्न ठाउँमा धुलोले स्थानीय आजित छन् । धुलोका कारण राजमार्ग आसपासका सर्वसाधारण प्रत्यक्ष प्रभावित छन् । त्यसका अतिरिक्त हिँडडुल गर्ने सर्वसाधारण पनि समस्यामा पर्दै आएका छन् ।
यस्तै शुक्लागण्डकी नगरपालिकाका विभिन्न ठाउँमा धुलोले सर्वसाधारण आजित भएपछि विरोधमा उत्रिएका छन् । शुक्लागण्डकीअन्तर्गत खैरेनीटारदेखि कोत्रेसम्मको सडकखण्डमा बढी धुलो उडेर वातावरण दूषित भई स्थानीयको स्वास्थ्यमा समस्या उत्पन्न भएपछि बाध्य भएर विरोध गर्नुपरेको सुशासन र समृद्ध शुक्लागण्डकी निर्माणका लागि युवा अभियानका संयोजक शङ्कर पन्तले बताए ।
उनले भने, “विगतमा पनि यस विषयमा कुरा उठाउँदै आएका हौँ, केही समय माग सम्बोधन भए पनि पछि उस्तै समस्या आइरह्यो, धुलोले साह्रै मर्का परिरहेको छ ।” पन्तको नेतृत्वमा करिब ३० स्थानीय युवाले सडक निर्माण कम्पनीका प्रतिनिधिसँग छलफल गरेका छन् । मुग्लिन–पोखरा सडक योजना (पश्चिम खण्ड) को ठेक्का पाएको चिनियाँ कम्पनीका प्रमुख चेन जुनताओ, सोही कम्पनीमा कार्यरत वातावरण इन्जिनियर शिव आशिष सिंखडा, इन्जिनियर मनोज भट्टसहित बसेको बैठकले धुलो नियन्त्रणका लागि नियमित पानी हाल्ने सहमति गरेको छ ।
काम गर्दा धुलो उड्न नदिन तथा नियन्त्रण गर्न कोत्रेदेखि खैरेनीटार कुम्लेखोलासम्म नियमित रुपमा तीन पानीका ट्याङ्करको व्यवस्था गरी बाटोमा पानी हालेर धुलो नियन्त्रण गर्ने सहमति भएको पन्तले जानकारी दिए । तीन ट्याङ्करले अपुग भएमा थप ट्याङ्करको समेत व्यवस्था निर्माण कम्पनीले गर्ने सहमति भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबागलुङ–म्याग्दी सडक कालोपत्र गरिँदै
बैशाख १५, २०८१ शनिबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
बैशाख १४, २०८१ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
इलाम उपनिर्वाचन : कांग्रेस उम्मेदवार खड्काले गरे मतदान
बैशाख १५, २०८१ शनिबार
नयाँ आविष्कार- अब इलेक्ट्रोनिक ग्याजेट हथौडाले हने पनि नफुट्ने
बैशाख १५, २०८१ शनिबार
सबैभन्दा धेरै रेमिट्यान्स भित्र्याउने बैंकको रुपमा ग्लोबल आइएमई सम्मानित
बैशाख १५, २०८१ शनिबार
बागलुङ–म्याग्दी सडक कालोपत्र गरिँदै
बैशाख १५, २०८१ शनिबार
भारतको सहयोगमा चितवनमा उच्च प्रभाव सामुदायिक विकास परियोजनाको निर्माण
बैशाख १५, २०८१ शनिबार
आइपिएलमा आज दुई खेल हुँदै
बैशाख १५, २०८१ शनिबार