गौर हत्याकाण्डको रिट न्यायाधीश कुमार रेग्मीको इजलासमा

२२ जेठ, काठमाडौं । रौतहट सदरमुकाम गौरमा नरसंहार भएको १६ वर्षपछि घटनाबारे आज सर्वोच्च अदालतमा सुनुवाइ हुँदैछ । नरसंहार विरुद्धको रिट सर्वोच्चका न्यायाधीश कुमार रेग्मीको इजलाशमा परेको छ । पीडित परिवार र आफन्तका तर्फबाट आइतबार त्रिभुवन साहले दायर गरेको रिटमा नरसंहारका दोषीमाथि छानबिन गरी कारबाही हुनुपर्ने माग गरिएको छ ।

सो नरसंहारको दोषीमाथि छानबिन गरी कारबाही हुनुपर्ने मागसहित आइतबार दर्ता भएको रिटमा आज सर्वोच्च अदालतमा सुनुवाइ हुन लागेको हो । अन्तिम नम्बरमा परेकाले आज नभ्याइनेमा पनि पर्नसक्ने बताइएको छ । जिल्ला प्रहरी कार्यालय रौतहटमा जाहेरी दिँदासमेत छानबिन नभए पछि पीडितका परिवार तथा आफन्तले हिजो सर्वोच्च अदालतमा रिट दर्ता गरेका थिए ।
 
प्रधानमन्त्री तथा मन्त्रिपरिषदको कार्यालय, गृह मन्त्रालय, प्रहरी प्रधान कार्यालय लगायतलाई विपक्षी बनाएर दायर रिटमा आज देखी सुनवाई हुन लागेको हो । रिटमा तत्काल अन्तरिम आदेश माग गरिएको छ ।

शान्ति प्रक्रियामा आएको तत्कालीन नेकपा माओवादी र तत्कालीन मधेसी जनअधिकार फोरमले गौर स्थित राइस मिल चौरमा एकैपटक कार्यक्रमको आयोजना गरे पछि भएको झडपमा २७ जनाको मृत्यु भएको थियो ।

सो घटनामा संलग्न भएको भन्दै तत्कालीन फोरम अध्यक्ष उपेन्द्र यादव माथि कारबाही हुनुपर्ने माग राख्दै दिएको निवेदन जिल्ला प्रहरी कार्यालय, रौतहटले सम्बोधन नगरे पछि सो घटनाका पीडित तथा आफन्तहरू सर्वोच्च अदालत पुगेका हुन ।   

जिल्ला प्रहरी कार्यालय रौतहटमा जाहेरी दिँदा छानबिन नभएपछि पीडित परिवार र आफन्तले सर्वोच्चमा रिट दायर गरेका हुन् । प्रधानमन्त्री तथा मन्त्रिपरिषदको कार्यालय, गृह मन्त्रालय, प्रहरी प्रधान कार्यालयलगायत निकायलाई विपक्षी बनाएर दायर रिटमा आजदेखि सुनवाइ हुन लागेको हो ।

तत्कालीन नेकपा माओवादी र तत्कालीन मधेसी जनअधिकार फोरमले गौरस्थित राइस मिल चौरमा एकैपटक कार्यक्रमको आयोजना गरेका थिए । त्यस क्रममा हिंसात्मक झडप हुँदा २७ जनाको मृत्यु भएको थियो ।