काठमाडौंमा देखियाे दादुरा संक्रमण, राेकथामका लागि मन्त्रालयले बढायाे अग्रसरता

२४ जेठ, काठमाडौं । काठमाडौंमा दादुरा संक्रमण पुष्टि भएको छ । मन्त्रालयको परिवार कल्याण महाशाखा स्रोतले जनाएअनुसार काठमाडौंको गोकर्णेश्वर नगरपालिका-९ स्थित एक विद्यालयमा ४ जनामा दादुरा संक्रमण पुष्टि भएको छ ।

बिरामी विद्यार्थीको टेकुस्थित राष्ट्रिय जनस्वास्थ्य प्रयोगशालामा शंकास्पद नमुना परीक्षणका लागि ल्याइएकोमा ४ जनामा संक्रमण देखिएको बताइएको छ । विद्यालयमा थुप्रै विद्यार्थीमा दादुराको लक्षण देखिएपछि परीक्षण गर्दा संक्रमण पुष्टि भएको बताइएकाे छ ।

दादुराले महामारी रुप लिन नदिन मन्त्रालयले लगातार रुपमा खोप लगाउन आग्रह गर्दै आइरहेको छ । दादुरा संक्रमणबारे मन्त्रालयले छिट्टै पत्रकार सम्मेलनको तयारी गरेको बताइएको छ । 

महामारी रूप लिन नदिन स्वास्य मन्त्रालयले अग्रसरता बढाएकाे छ ।