शेयरबजार उच्च अंकले वृद्धि, दुई कम्पनीमा सकारात्मक सर्किट

२८ जेठ, काठमाडौं । चालु साताको पहिलो कारोबार  दिन आइतबार शेयरबजार उच्च अ‌ंकले वृद्धि भएको छ ।  नेप्से सूचक ४०.४८ अकंले बढेर १९८०.०९ विन्दुमा आएको छ ।

२७५ कम्पनीको ९५ लाख २८ हजार २५५ कित्ता शेयर किनबेच हुँदा ३ अर्ब ४५ करोड ४३ लाख ४४ हजार ५६३ रुपैयाँको कारोबार भएको छ । 

यस दिन दुई वटा कम्पनीमा सकारात्मक सर्किट लागेको छ ।  समग्रमा हेर्दा शेयर बजारमा विस्तारै सकारात्मक माहोल देखिएको छ । सूचक सँगै दैनिक खरिदबिक्री रकममा पनि बढोत्तरी भएपछि लगानीकर्ता उत्साहित भएका छन् ।  

११ करोड ४७ लाख रूपैयाँभन्दा बढीसहित कारोबार रकममा नागरिक लगानी कोष अग्रस्थानमा रहेको छ । यसै गरी, दोस्रो र तेस्रो स्थानमा क्रमशः शिवम् सिमेन्टस् र आइजीआई प्रुडेन्सियल इन्स्योरेन्स रहेका छन् ।