नेपाली उत्पादनले माग धान्ने सिजनमै भारतबाट निर्वाध भित्रियो ५८ करोडको गोलभेँडा
नेपालबहस संवाददाता
असार ४, २०८० सोमबार १४:२७:०
४ असार, काठमाडौं । गोलभेँडा, भान्सामा कहिल्यै नछुट्ने चीज हो । हरेक तरकारी, माछा मासु, गेडागुडी पकाउँदा गोलभेँडा अनिवार्य नै मानिन्छ । यति मात्र होइन गोलभेँडालाई अचारको रुपमा पनि प्रयोग गरिन्छ । गोलभेँडाको अचारको स्वाद मन नपराउने सायद कमै होलान् ।
तरकारीमा गोलभेँडा मिसाउँदा रंग र स्वाद त राम्रो बनाउँछ नै यसमा पाइने पौष्टिक तत्वले स्वास्थ्यलाई पनि धेरै फाइदा गर्छ । तरकारी धेरै प्रयोग हुने गोलभेँडा भिटामिनको राम्रो स्रोत मानिन्छ । यसमा भिटामिन डी, पोटासियम, फोस्फोरस, म्याग्नेसियम, फाइबर, प्रोट्रिन इत्यादि पाइन्छ । साथै न्यून क्यालोरी पाइन्छ । गोलभेँडा खाँदा शरीरको पानीको मात्रा पनि बढ्छ ।
गोलभेँडा तरकारीमा हालेर हामी सबैले खाएकै र खाँदै आएका छौँ । तर यसलाई सलादको रुपमा खाने गरे शरीरलाई अझ बढी फाइदा पुर्याउँछ । पकाएर खाँदा यसमा भएका केही तत्व खेर जान्छन् । तर काँचो गोलभेँडा खाँदा आफैंले उब्जाएको खानु राम्रो हुन्छ, बजारमा पाइने गोलभेँडामा विषादी प्रयोग भएको हुन्छ । बजारमा पाइने गोलभेँडा भने पकाएर मात्रै खाँदा उपयुक्त हुन्छ ।
गोलभेँडामा हुने रातो भागामा लाइकोपेनी नामक तत्व हुन्छ । त्यसले आँखा तेजिलो बनाउन, छाला चमक बढाउन सहयोग गर्छ । साथै अनुहारमा चाउरीपन हुनबाट जोगाउँछ । पछिल्लो समय यसलाई विभिन्न कस्मेटिक्स प्रयोजनको लागि पनि प्रयोग गर्ने गरिन्छ । गोलभेंडामा धेरै मात्रामा अम्लीय हुन्छ, जसले एसिडिटी बढाउन सक्छ । यस्तै अधिक सेवनले छातीमा जलन हुने, मिर्गौलाको पत्थरी समेत हुने जोखिम हुन्छ । दम, बाथ र गोलभेंडाको एलर्जी भएका मानिसले यसलाई नखाँदा उचित हुन्छ ।
सबै तरकारीसँग प्रिय सम्बन्ध रहेको गोलभेडा चालू आर्थिक वर्ष २०७९÷८० को १० महिनाको अवधिमा भारतबाट ५८ करोड रूपैयाँको आयात भएको छ । भन्सार विभागको तथ्याङ्कअनुसार साउनदेखि वैशाखसम्मको अवधिमा भारतबाट ५८ करोड ३१ लाख रुपैयाँको गोलभेँडा आयात भएको हो । तरकारीका साथै अचार प्रयोजनका लागी भनेर यस अवधिमा ३ करोड १० लाख किलोग्राम गोलभेँडा भित्रिएको विभागले सार्वजनिक गरेको १० महिनाको तथ्यांकमा उल्लेख छ ।
नेपाली उत्पादनले सम्पूर्ण देशको माग नै धान्ने समयमा समेत भारतबाट निर्वाध गोलभेँडा भित्रिरहेको छ । जेठ, असार र साउन महिना नेपालमै गोलभेँडा उत्पादनको सिजन मानिन्छ । तर, यस अवधिमा भारतबाट गोलभेँडा निर्वाध रुपमा आउँदा स्वदेशी उत्पादनले बजार पाइरहेको छैन तर सम्बन्धित निकाय मौन रहेको छ । हाल किसानले उत्पादन गरिरहेको टनेलको गोलभेँडाको मूल्य प्रतिकिलो २ रूपैयाँ समेत पाइरहेका छैनन् । यो गोलभेँडाको थोक मूल्य प्रतिकिलो ८ रूपैयाँ छ भने उपभोक्ताले ४० रूपैयाँसम्म तिरिरहेका छन् ।
आइतबार मात्र पनि कालिकाटी तरकारी बजारमा गोलभेँडाले उचित मूल्य नपाएको भन्दै सडकमा ३० हजार गोलभेडा फ्यालिएको थियो । एक थरिले कालीमाटीको सडकमा यसरी गोलभेँडा फाल्नुमा थोक व्यापारीको संलग्नता देखिएको बताएका छन् । बजारमा आपूर्ति अत्यधिक भएको देखाएर किसानसँग थप सस्तोमा लिने र उपभोक्ता मूल्य बढाउने उनीहरूको योजना अनुसार गोलभेँडा नष्ट गरिएको स्रोतले नेपालबहसलाई बताएको छ ।
विकास समितिले गरेको प्रारम्भिक अध्ययनका अनुसार बढीमा २०० क्रेट गोलभेँडा सडकमा फ्याँकेको देखिएको छ । समितिले सीसीटीभी फुटेजको आधारमा गरेको विश्लेषण अनुसार बाहिर गेटमा ६० क्रेट, परिसरभित्र दुई ठाउँमा गरेर १४० क्रेट गरी कुल २०० क्रेट हाराहारी गोलभेँडा फ्याँकिएको छ ।
सरकारी अधिकारीहरू भने आइतबार कालीमाटीमा गोलभेँडा फ्याँकिएको समयलाई लिएर सशंकित छन् । बजार खुलेको ४ घण्टासम्म बिक्री गरेका व्यापारीहरूले ७ बजेतिर गोलभेँडा फ्याँकेका थिए । गोलभेँडा फ्याँक्नेहरू कालीमाटीमा पसल तथा गोदाम गरेका र आफ्नै कृषि फार्म भएकाहरू देखिएका समितिको प्रारम्भिक अध्ययन टोलीले जनाएको छ ।
बजारमा शनिबार बिहानदेखि गए रातीको १२ बजेसम्म ९५ हजार किलो गोलभेँडा भित्रिएको थियो । शनिबार दिनभर र आइतबार बिहानको थोक बिक्रीपछि बचेको गोलभेँडा फ्याँकिएको हुनसक्ने बताइएको छ । व्यापारीले थाेक बजार मूल्य बढाउन सरकार मातहतको समितिलाई दबाब दिन सडकमा गोलभेँडा फालेको बताइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेपालमा विद्युतीय चुरोटमा प्रतिबन्ध लगाइँदै, वार्षिक ३२ अर्बको व्यापार
बैशाख २५, २०८१ मंगलबार
आज कुन तरकारी तथा फलफूलको मूल्य कति ?
चैत २८, २०८० बुधबार
नयाँ बर्षको योजनामा बेनेली बाइक शून्य प्रतिशत ब्याजदरमा पाइने, १ लाख सम्मको छुट
चैत ८, २०८० बिहिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
आखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
यस्तो छ सरकारको नीति तथा कार्यक्रम (पूर्णपाठ)
जेठ १, २०८१ मंगलबार
पर्यटन महोत्सवको अवसरमा डोको र टपरी बुन्ने प्रतियोगिता हुने
जेठ १, २०८१ मंगलबार
शिक्षकले महिनामै तलब पाउने, दलको सदस्य हुन नपाउने कानुनी व्यवस्थामा कडाई गरिने
जेठ १, २०८१ मंगलबार
विद्युतीय तारबारबाट जोगिन सूचना बोर्ड र साइरन मेसिन जडान गरिने
जेठ १, २०८१ मंगलबार
अपाङ्गता भएका व्यक्तिलाई निःशुल्क सहायक सामग्री उपलब्ध गराउने
जेठ १, २०८१ मंगलबार
सूचना प्रविधि वर्क स्टेशन सञ्चालन गरी पाँच हजार जनालाई रोजगारी दिने घोषणा
जेठ १, २०८१ मंगलबार