नाफा कमाउने विकास बैंकमध्ये मुक्तिनाथ अग्रपंक्तिमा

४ असार, काठमाडौं । विकास बैंकहरुले बैशाख मसान्तसम्ममा ४ अर्ब २९ खुद मुनाफा आर्जन गरेका छन् । नेपाल राष्ट्र बैंकका अनुसार ‘ग’ वर्गका इजाजत प्राप्त विकास बैंकहरुले १० महिनाको अवधिमा उक्त मुनाफा आर्जन गरेका हुन् । 

सबैभन्दा धेरै नाफा मुक्तिनाथ विकास बैंकले आर्जन गरेको छ । मुक्तिनाथले १० महिनाको अवधिसम्मा ९५ करोड ७२ लाख खुद नाफा कमाएको छ । त्यसपछि ६९ करोड नाफा कमाउँदै गरिमा विकास बैंक दोस्रोमा परेको छ । साथै ६१ करोड ८३ लाख रुपैयाँ नाफा कमाएर शाईन रेसुंगा बैंक तेस्रोमा परेको छ । 

त्यस्तै, लुम्बिनी विकास बैंकले ४७ करोड ७७ लाख खुद कमाएको छ भने महालक्ष्मी विकास बैंकले ४५ करोड ५६ लाख खुद नाफा कमाएको छ ।

सबै भन्दा कम नाफा कमाउनेमा ग्रीन डेभलपमेन्ट बैंकले जम्मा १ करोड १९ लाख खुद नाफा कमाएको छ । कर्णाली डेभलपमेन्ट बैंकले १ करोड १ करोड २६ लाख तथा कर्पोरेट डेभलपमेन्ट बैंकले १ करोड ६६ लाख खुद नफा कमाएको छ ।

सप्तकोशी डेभलपमेन्ट बैंक, एक्सेल डेभलपमेन्ट बैंक, नारायणी डेभलपमेन्ट बैंक , सिन्धु विकास बैंक र सालपा विकास बैंक भने घाटामा रहेका छन् । जस सप्तकोशी डेभलपमेन्ट बैंकको खुद नोक्सानी सबैभन्दा धेरै २८ करोड ४५ लाख रहेको छ । त्यस्तै एक्सेलको खुद नोक्सानी ६ करोड ४९ लाख रहेको छ भने नारायणीको खुद नोक्सानी ३ करोड ६९ लाख रहेको छ ।