किसान महासंघको कोशी प्रदेश अध्यक्षमा भट्टराई मनोनित

यज्ञप्रसाद भट्टराई

५ असार, झापा । नेपाली कांग्रेसको भातृ संस्था नेपाल किसान महासंघले कोशी प्रदेशलाई पुर्णता दिएको छ । लामो समयसम्म रिक्त रहेको नेपाल किसान महासंघको कोशी प्रदेश अध्यक्षमा नेपाल किसान महासंघ झापाका बर्तमान अध्यक्ष राजेन्द्र भट्टराईलाई मनोनयन गरिएको नेपाल किसान महासंघ केन्द्रीय कार्यालयले जनाएको छ ।

दमक निवासी भट्टराईले झापा जिल्लालाई आफ्नो कार्यथलो बनाई किसानका हकहितमा कृयाशिल रहेका छन् । नेपाली कांग्रेस पार्टीको हरेक गतिविधिमा श्रमजीवी किसानको सहभागीता हुनुपर्ने माग राख्दै किसान आन्दोलन चलाईरहेका नेता भट्टराईको एउटै कथन छ नेपाली कांग्रेस भनेकै किसान र मजदुरको पार्टी हो । नेपाली कांग्रेस बनाउने हरेक योजनामा ग्रामीण किसानलाई समेटेको हुनुपर्छ । 

स्थानीय सरकारसँग किसानका समस्याहरु तथा किसानका मागहरु तत्काल प्रस्तुत गरि तत्काल कार्यान्वयन गराउन सक्ने क्षमता भएका भट्टराईको सकृयतालाई मुल्यांकन गरेर नेपाल किसान महासंघ केन्द्रीय कार्यालयले भट्टराईलाई नेपाल किसान महासंघको कोशी प्रदेशको अध्यक्षमा मनोनयन गरेको हो ।

नेपाल किसान महासंघले कोशी प्रदेश अध्यक्ष राजेन्द्र भट्टराईलाई नेपाल किसान महासंघको संगठन बिस्तार एवं आगामी कोशी प्रदेश र सम्पूर्ण जिल्लाका अधिवेशनहरु तोकिएको समयमा सम्पन्न गर्नेगरी कोशी प्रदेश तदर्थ कार्यसमितिको अध्यक्षमा मनोनयन गरिएको जनाएको छ । पत्रमा भनिएको छ तपाइँले केन्द्रले तोकिएकै समयमा केन्द्रसँग समन्वय गरि अधिवेशन गर्नु गराउनु भनी निर्देशन समेत दिइएको छ ।