कांग्रेसको विरासत बचाउन नेतृत्वले आफैंभित्र परिवर्तन गर्नु आवश्यक छ
कुसुम सेञ्चुरी
असार १०, २०८० आइतबार १८:२८:३
१० असार, काठमाडौं । स्थानीय तह र आम निर्वाचनबाट सबैभन्दा धेरै सीट जितेको नेपाली कांग्रेस पार्टी सच्चिने कि सक्किने भन्ने बहस अहिले चर्किरहेको छ । यो बहस एक किसिमले आफैंमा चुनौतीपूर्ण पनि छ । आफूलाई कांग्रेस बताउने हामीले कांग्रेसलाई सुर्धान होइन, आफूलाई सुधार गर्यौ कि गरेनौ ? सर्वप्रथम यता तर्फ सोच्नु पहिलो र महत्वपूर्ण आवश्यकता हो । कांग्रेसको चुनौती शंकारहित लोकतान्त्रिक विचारमा मात्र सीमित नरहेर संविधानले अंगीकार गरेको ‘देशको विविधता अनुकूलको राष्ट्रवाद’ को ‘च्याम्पेन’ हुन सक्नुमा पनि छ ।
कांग्रेस बाहिरकाले धेरै पछि मात्र बीपी कोइरालाको राष्ट्रवादबारे जान्ने, बुझे मौका पाए अनि बीपी गौरवशाली व्यक्तित्वको रूपमा स्वीकार्य भए । आज कांग्रेसले लिएको ‘अनेकतामा एकताको नीति’ असान्दर्भिक झैं भएको अवस्थामा नेपालको भविष्य र कांग्रेसको लाइन ठीक भएन कि भन्दै अब कांग्रेस यथास्थितिमा अगाडि बढन नसक्ने निष्कर्षसहित रुपान्तरण अभियानमा एकथरि युवाहरू महिना दिनदेखि देशव्यापी दौडाहामा छन् ।
अभियानले देशका सात वटै प्रदेश तथा डायस्पोरामा पहिलो चरणको अभियान सम्पन्न गरेका छन् । हामीले जानेबुझेकोदेखि बाबु बाजेदेखि कांग्रेस भए पनि हामीले अहिलेसम्म न्याय पाएनाैं ? हाम्रा माग कांग्रेसले सम्बोधन गरेन, यो आम नागरिकको गुनासो हो । नयाँ पुस्तालाई कसरी कांग्रेसप्रति आकर्षित गर्ने, उत्पादनशील क्षेत्रमा कांग्रेसको नयाँ विचार के छ ? यसलाई कसरी सम्बोधन गर्ने ? यस विषयमा कांग्रेसले कहिले सोच्ने ?
२०४६/४७ भन्दा अगाडिको इतिहासको ब्याजले नेपाली कांग्रेसलाई कहिलेसम्म दिगो राख्छ ? विगत २५ वर्षयता नेपाली कांग्रेसले आफ्नो सिद्धान्त र आदर्शलाई भाषणको विषयवस्तु मात्रै बनायो तर आम नागरिकबाट नेता र कांग्रेसप्रतिको सदाशयता दुवै गुमाउन थाल्यो, किन ?
त्यस्तै, युवा रोजगारीको नीति ल्याउन नसकेर देश युवाविहीन हुँदैछ । प्रति वर्ष चार लाख रोजगारी सिर्जना कसरी गर्ने ? कांग्रेसको नेतृत्व र निर्णायक तहमा अहिले पनि दलित, मधेशी, आदिवासी जनजाति शून्य छ । पार्टीलाई अब कसरी समावेशी बनाउने ? हुन त लेखकले यी माथिका लाइनमा प्रश्न खडा गरिरहँदा दलित, मधेशी र आदिवासी सबैलाई समेट्ने गरि कांग्रेसका हरेक संगठनमा मानिस राखेको पार्टी सभापति शेरबहादुर देउवाले बताउँदै आएका छन् । यसरी समावेशीलाई समेट्दा पनि पहुँचका आधारमा मात्र कहिलेसम्म कांग्रेसमा मनोनयन गर्ने ? खोइ त वरिष्ठताको श्रेणी ? दक्ष र योग्यताको श्रेणी ? के हामीले चाहेमा यो असम्भव भन्ने छ र ?
हामीले आफूलाई कांग्रेस भनेर गर्व गरिरहँदा कांग्रेसको पहिचान कतै गुमाइरहेका त छैनौ ? भन्ने कुरा सोच्न अति आवश्यक छ । २०४६/४७ पछि जन्मेको व्यक्तिले कांग्रेसका चार ताराको आदर्श र चारवटा सैद्धान्तिक आधारहरूलाई कसरी चिन्दछ ? तिनीहरूले वस्तुगत ढंगबाट कांग्रेस र नेपालका कम्युनिस्टहरूसँगको तात्विक अन्तर खोज्दै जाँदा के कति नीति र सिद्धान्त फरक देख्छन् ? २०४६/४७ भन्दा अगाडिको इतिहासको ब्याजले नेपाली कांग्रेसलाई कहिलेसम्म दिगो राख्छ ? विगत २५ वर्षयता नेपाली कांग्रेसले आफ्नो सिद्धान्त र आदर्शलाई भाषणको विषयवस्तु मात्रै बनायो तर आम नागरिकबाट नेता र कांग्रेसप्रतिको सदाशयता दुवै गुमाउन थाल्यो, किन ?
नेपाली कांग्रेसको केन्द्रीय समिति/पदाधिकारीहरूमा आफूलाई केन्द्रमा राख्ने मनोवृत्ति, अनि गुटगत जोड घटाउ गर्ने प्रवृत्ति स्थापित भइसकेको छ । त्यस्तो दुष्चक्र, गलत संस्कार र प्रवृत्तिले न त असल नेतृत्वको विकास गर्छ न त नयाँ नेतृत्वको आकर्षण नै ।
नेपाली कांग्रेसले पत्रकारसँग नियमित संवाद गर्ने, उनीहरुका कुरा सुन्ने, आफ्ना कुरा सुनाउने, कांग्रेसले के कस्तो गर्दै छ, कहाँ कांग्रेसको भुमिका के रहने र नेपाली कांग्रेसलाई कसरी समावेशी बनाउने लगायतका बिषयमा नागरिकसँग पनि प्रत्यक्ष संवादको अभाव खडकीरहेको देखिन्छ ?
नेपाली कांग्रेसको माथिल्लो नेतृत्व केन्द्रीय सदस्य र सांसदको कार्यक्षेत्र २०४६/४७ पछि झन् झन् खुम्चिँदै गएको छ किनभने त्यो समूहले कांग्रेसलाई नागरिकसँग बढी भन्दा बढी अन्तक्रिर्याहरू गर्नुपर्ने हुन्थ्यो र छ, तर त्यसो भइराखेको छैन । हुन त अहिले पनि क्षेत्रीय र केन्द्रीय तथा जिल्ला गत तहमा नागरिकसँगको नियमित अन्तरक्रिया एवं संवाद भएका छैनन् भन्न खोजिएको पटक्कै होइन । तर जुन औपचारिक ढंगबाट हुनुपर्ने थियो त्यो नभएको देखिन्छ । के यस्तै तालले नागरिकहरूको कांग्रेसप्रतिको सोच, भावना र अपनत्वमा वृद्धि ल्याउन सक्दछ । तसर्थ कांग्रेसमा हरेक तह र पदाधिकारी एवं केन्द्रीय सदस्य र सांसदहरूको एक सूत्रीय संवाद कार्यक्रम नियमित संचालन गर्नु पर्दछ । तब मात्र कांग्रेस चलायमान हुन सक्दछ ।
नेपाली कांग्रेसमा २०४६/४७ यता नयाँ नेतृत्वको अपेक्षाकृत विकास हुन सकेको छैन र जे जति भएको देखिन्छ त्यो पनि प्रतिस्पर्धा भन्दा पनि व्यक्तिगत गुट/उपगुटको आडमा अथवा छत्र छायाँमा हुर्केको देखिन्छ । त्यसो त, नेपाली कांग्रेसको केन्द्रीय समिति/पदाधिकारीहरूमा आफूलाई केन्द्रमा राख्ने मनोवृत्ति, अनि गुटगत जोड घटाउ गर्ने प्रवृत्ति स्थापित भइसकेको छ । त्यस्तो दुष्चक्र, गलत संस्कार र प्रवृत्तिले न त असल नेतृत्वको विकास गर्छ न त नयाँ नेतृत्वको आकर्षण नै ।
अहिले पनि नेपाली कांग्रेसको केन्द्रीय सदस्य/समितिले आ–आफ्नो खल्तीबाट कथित सक्रिय सदस्यहरूको नामावली निकाल्दै आफ्नो पदीय सुरक्षाको चाँजोपाँचो मिलाउँछन् । अनि सामान्य प्रजातान्त्रिक अभ्याससम्म गर्न नचाहने नेतृत्व वृत्तले कसरी आन्तरिक प्रजातन्त्रले भरिपूर्ण भएको दल भनेर भन्न सक्दछ । यदि एक जना सक्रिय सदस्यले ४ वटा भोट पनि ल्याउन सक्दैन भने त्यसको औचित्य के हुन्छ ?
उदाहरणका लागि कांग्रेसको क्रियाशील सदस्यताको कुरा गरौँ । जब कांग्रेसले आफूलाई आम नागरिकमा आश्रित राजनीतिक दल नबनाएर केही व्यक्ति विशेषको गिरोहमा विकसित गर्दै लगेपछि क्रियाशील सदस्यताको औचित्य कांग्रेसको सुरक्षाको खातिर नभएर केही झुण्ड व्यक्तिहरूको पदीय सुरक्षाका लागि प्रयोग भइराखेको छ । अहिले पनि नेपाली कांग्रेसको केन्द्रीय सदस्य/समितिले आ–आफ्नो खल्तीबाट कथित सक्रिय सदस्यहरूको नामावली निकाल्दै आफ्नो पदीय सुरक्षाको चाँजोपाँचो मिलाउँछन् । अनि सामान्य प्रजातान्त्रिक अभ्याससम्म गर्न नचाहने नेतृत्व वृत्तले कसरी आन्तरिक प्रजातन्त्रले भरिपूर्ण भएको दल भनेर भन्न सक्दछ । यदि एक जना सक्रिय सदस्यले ४ वटा भोट पनि ल्याउन सक्दैन भने त्यसको औचित्य के हुन्छ ?
चरम संस्थागत विकृति र भ्रष्टाचारले नेपाली कांग्रेसको भविश्यलाई निल्दैछ । सरकारी अड्डा/मन्त्रालयदेखि अख्तियार, विद्यालय/महाविद्यालय/विश्व विद्यालय, प्रहरी, सेना र अदालतहरूमा ‘प्री–पेड’ वा ‘पोस्ट पेड’ घुस प्रणाली संस्थागत विकृतिका रूपमा स्थापित छन् । अब भोलि सरकार÷व्यक्ति परिवर्तन हुने बित्तिकै सबै चीज/संस्थाहरू दूधले धोइँदैन । तसर्थ, कांग्रेसले मुलुकमा भइराखेको यस्ता ‘संस्थागत विकृति’ हरू सुधार्न भागबण्डाको राजनीति अन्त नभएसम्म कांग्रेस सकिने मात्र होइन कि हामी आफैंलाई कांग्रेस होइन भनेर सकिन बेर लाग्ने छैन ।
नेपाली कांग्रेसले देशको केन्द्रदेखि स्थानीय स्तरमा यावत् राजनीतिक एवं सार्वजनिक संस्थाहरू कसरी नागरिकप्रति उत्तरदायी र जवाफदेही हुनुपर्ने हो ? राज्य सत्तामा भागबण्डाले गर्दा ‘विधिलाई व्यक्तिहरूले विस्थापन’ गरेपछि मुलुकमा चरम आर्थिक अराजकता एवं मानवीय र शासकीय क्षति भइरहेको हुनाले भागबण्डाको राजनीतिलाई विधिवत् ढगंले अन्त गर्ने हिम्मत कांग्रेस नेतृत्वमा आवश्यक छ ।
यस्तो सुधारका लागि कांग्रेसले जनताको मन जित्न सक्नुपर्छ । कांग्रेसमा सुधार, रूपान्तरण, सुदृढीकरण तत्काल हुनुपर्छ । यसमा नेपाली कांग्रेसलाई मौलिक रूपमा रुपान्तरण गर्नुपर्ने हुन्छ । समयानुकूल सिद्धान्त र नीतिगत रूपमा रुपान्तरण गर्न सक्नुपर्छ । पार्टीलाई सही ढंगबाट नेतृत्वले अगाडि बढाउनुपर्छ । नेतृत्वमा रहेर मैले जे गरे पनि हुन्छ भन्ने भावना बोकेमा देश तथा पार्टीको नै औचित्य रहँदैन । गौरवपूर्ण इतिहास भएको कांग्रेसले आफ्नो विरासत बचाउन आफैंभित्र धेरै परिवर्तन गर्न आवश्यक छ । कांग्रेसले आफू, समाज अनि देश बदल्ने अभिभारा लिएर अगाडि बढ्नु अहिलेको मुल एजेण्डा हो ।
गत निर्वाचनमा कांग्रेस संसदको सबैभन्दा ठूलो दल बन्न सफल भए पनि सत्ताको साक्षीको भूमिकामा मात्रै बस्नुपर्ने अवस्था आएको छ । निर्वाचनमा अपवित्र गठबन्धन, सरकार निर्माणको फोहोरी खेल, उपनिर्वाचनको नमिठो झस्का, पार्टी परिचालनमा सशक्त भूमिकाको अभाव र सरकार सञ्चालनमा जनताका अपेक्षा पूरा गर्न कहाँनिर चुक्यो भन्ने बारे गम्भीर समीक्षा जरुरी छ ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपनेपाल–कोरिया सम्बन्ध सगरमाथा जस्तै उच्च होस्
जेठ १, २०८१ मंगलबार
गम्भीर मोडमा उभिँदै गरेको अर्थतन्त्र सुधार्न दलका नेताहरुको ओठे प्रतिबद्धता ?
जेठ १, २०८१ मंगलबार
आखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
वार्ता र कूटनीतिबाट भारतसँगका समस्या समाधान गर्नुपर्छ : परराष्ट्रमन्त्री
जेठ २, २०८१ बुधबार
संस्कृति संरक्षणका निम्ति मादल बजाउने तालिम
जेठ २, २०८१ बुधबार
थाइल्याण्डमा राजतन्त्रको अपमानको आरोपमा हिरासतमा रहेकी अभियन्ताको मृत्यु
जेठ २, २०८१ बुधबार
विनवार्ड्सविरूद्धको पहिलो अभ्यासमा नेपाल ४ विकेटले विजयी
जेठ २, २०८१ बुधबार
सुदूरपश्चिमका मुख्यमन्त्री सोडारीले भोलि विश्वासको मत लिने
जेठ २, २०८१ बुधबार