चौध १४ अर्ब हिनामिनाका आरोपी शिवशिखर सहकारीका पूर्वअध्यक्ष शर्मा पक्राउ

१२ असार, काठमाडौं । भक्तपुरको कौशलटारमा केन्द्रीय कार्यालय रहेको शिवशिखर बहुउद्देश्यीय सहकारी संस्थाका पूर्वअध्यक्ष केदारनाथ शर्मा पक्राउ परेका छन् ।

उनीमाथि बचतकर्ताको १४ अर्ब रुपैयाँ हिनामिनाको आरोप लागेपछि फरार थिए । उनलाई प्रहरीले भारतबाट पक्राउ गरेको हो । 

भारतीय प्रहरीको सहयोगमा नेपाल प्रहरीको केन्द्रीय अनुसन्धान ब्युरो (सीआईबी)को टोलीले मुम्बईस्थित एक विधायकको घरमा लुकेर बसेको अवस्थामा आइतबार पक्राउ गरी सोमबार नेपाल ल्याइएको छ । 

शर्मालाई आज पत्रकार सम्मेलन गरी सार्वजनिक गरिने सीआईबीले जनाएको छ । शर्माविरुद्ध मोरङमा पनि हिनामिनाको उजुरी रहेको बताइएको छ ।