सङ्घीयता स्वरूप सुल्टो, बहस उल्टो
इन्द्र रिजाल
चैत २९, २०७५ शुक्रबार १४:५३:५८
डा. टीकाराम पोखरेल
कुनै पनि राज्यको केन्द्रबिन्दु जनता हुन् भने सरकारको मुख्य दायित्व आफ्नो देशका जनताको दैनिक जीवन सहज बनाउनु हो । राज्य सञ्चालन प्रणालीमा जनताको सहभागिता गराउन र जनतालाई सहज रूपमा सेवा पु¥याउनकै लागि विभिन्न प्रकारका राजनीतिक प्रणाली लागू गरिन्छन् । नेपालले अपनाएको वर्तमान सङ्घीय शासन प्रणाली जनतालाई सेवा प्रवाह गर्ने विभिन्न प्रकारका शासन प्रणालीमध्ये एक उत्कृष्ट शासन प्रणाली हो ।
एउटै राज्यमा दुई वा दुईभन्दा धेरै तहका सरकारले शासन गर्ने प्रणाली नै सङ्घीय प्रणाली हो । सङ्घीयतामा देशभित्रका विभिन्न प्रदेश मिलेर एउटा छाता बनाउने र त्यसअन्तर्गत रहेर आफूले आफूलाई शासन गरिन्छ जहाँ उनीहरू आफ्नो प्रदेशको हकमा स्वायत्त हुन्छन् भने सिङ्गो राष्ट्रका सवालमा आपसमा अनुबन्धित पनि हुन्छन् । सङ्घभित्रका प्रदेशलाई आफ्नो हकमा आफ्नो कानुन आफैले बनाउने र कार्यान्वयन गर्न पाउनेसम्मको अधिकार हुन्छ ।
सबै प्रदेश मिलेर एउटा सङ्घ बन्छ र सो सङ्घले केन्द्रको रूपमा काम गर्छ, सङ्घलाई प्रदेशहरूले नै स्वीकार गरेका हुन्छन् ।
विश्वमा सङ्घीयताका विभिन्न मोडेलहरू छन् । नेपालमा प्रयोग भएको सङ्घीयता अङ्गे्रजीमा भनिने गरिएको ‘फेडरल’ प्रणालीको हो । यद्यपि अङ्ग्रेजीमा ‘युनियन’ र ‘कन्फेडरेसन’ शब्द पनि प्रयोग हुने गरेका छन् ।
सोभियत रुसमा ‘युनियन’ अमेरिका र स्विजरल्यान्डमा ‘कन्फेडरेसन’ शब्द प्रयोग भएको छ । शब्द जे प्रयोग भए पनि सङ्घीय राज्यको अर्थ हरेक सङ्घीय एकाइ आफ्नो मामलामा स्वायत्त हुने र राष्ट्रिय र साझा हितका मामलामा आपसमा अनुबन्धित रहने पद्धति हो । यस्ता सङ्घीय देशहरूमा केहीमा केन्द्र ‘सङ्घ’ बलियो हुन्छ भने केहीमा प्रदेश ‘प्रान्त’ हरू बलियो हुने गर्छन् । भारतमा केन्द्र बलियो छ भने स्विजरल्यान्डमा प्रदेश ‘क्यान्टन’ हरू बलिया छन् ।
नेपालको सङ्घीय स्वरूप संयुक्त राज्य अमेरिका, स्विजरल्यान्ड, अस्ट्रेलिया, सोभियत सङ्घजस्तो प्रदेशहरू सँगै आउने विधि ‘कमिङ टुगेदर’ होइन, जहाँ प्रदेशहरू केन्द्रभन्दा बढी शक्तिशाली हुन्छन् । बरु भारत, बेल्जियम, स्पेन, अस्ट्रेलियाको सङ्घीयताजस्तो केन्द्रीकृत राज्यभित्रको असहमति र असमझदारीलाई सम्बोधन गर्दै राज्यलाई अखण्ड राख्ने विधि ‘होल्डिङ टुगेदर’ हो ।
यस्तो प्रणालीमा जातीय, भाषिक, सांस्कृतिक, धार्मिक, भौगोलिक विविधताको सम्मान गर्दै सङ्घीयता स्वीकार गरिन्छ । त्यसैले नेपालकोे सङ्घीयतामा केन्द्र शक्तिशाली हुनु स्वाभाविक हो । तर, प्रदेशहरूले आफू बलियो हुने अभ्यास गर्दा यदाकदा केन्द्र र प्रदेशबीच विवाद हुने गरेका छन् । प्रदेश नम्बर २ ले जारी गर्न खोजेको प्रहरी ऐन र त्यसमा केन्द्र सरकारको हस्तक्षेप यसैको उदाहरण हो ।
नेपालमा सङ्घीयता कार्यान्वयनमा प्रदेश सरकार र सङ्घीय सरकारबीच क्षेत्राधिकारमा देखिएको विवाद र बहस हामीले अपनाएको सङ्घीय प्रणालीभन्दा विपरीत छ । सङ्घीयता ‘होल्डिङ टुगेदर’को ढाँचामा भयो तर क्षेत्राधिकारको बहस ‘कमिङ टुगेदर’को कोणबाट गरिँदैछ ।
त्यसैले वर्तमानमा चलेको केन्द्र र प्रदेशबीचको क्षेत्राधिकारको बहस स्वाभाविक छैन । यसले सङ्घीयतालाई नै साङ्घातिक हमला गर्न सक्छ । सङ्घीयताका सन्दर्भमा देखा परेका कतिपय धारणा र विश्लेषणभन्दा पनि सकारात्मक सोच र समयसापेक्ष बुझाइले मात्र सङ्घीयताको मर्मलाई आत्मसात गर्न सकिन्छ ।
नेपाल अब एकात्मक पद्धतिमा फर्किने सम्भावना छैन । त्यसैले अबको एउटै विकल्प भनेको सङ्घीयताको बहसलाई सकारात्मकतातिर रूपान्तरित गर्ने हो । यस्तो रूपान्तरणका लागि दलहरूले आपसमा प्रभावकारी छलफल चलाउने र एक साझा निष्कर्षमा पुग्ने हो । सङ्घीय सरकारले प्रदेश सरकारको असन्तुष्टिको सम्बोधन गर्ने हो । नेपालको सङ्घीयताको कार्यान्वयनका लागि संविधानमा सहकार्य सहयोग र समन्वयको जुन सिद्धान्त परिकल्पना गरिएको छ त्यो नेपालको लागि ज्यादै सान्दर्भिक र महìवपूर्ण छ ।
नेपालको आजको सङ्घीयतामा पहिचान र राष्ट्रियता दुवै चाहिएको छ । जनता नै राष्ट्र भएकाले सबै जनताको साझा धारणा र भावना नै राष्ट्रियता हो र यसलाई सङ्घीय प्रणालीले आत्मसात गर्नुपर्छ । सबै देशका सङ्घीयताका स्वरूप उस्तै हुँदैनन्, देशको परिस्थितिअनुसार फरक हुन्छन् । फरक हुन्छन् भन्दैमा सङ्घीयताको मर्ममा चोट पुग्ने गरी सम्झौता गर्नु हुँदैन । तर, सङ्घीयता कार्यान्वयनको प्रक्रियागत कुरामा सम्झौताको विकल्प पनि छैन । नेपालीले नेपाल सुहाउँदो सङ्घीय संरचना बनाउने हो र यो काम नेपालीकै हो ।
अरू देशतिर सङ्घीयता कसरी चलेको छ भनेर हेर्नुभन्दा हाम्रो सङ्घीयता नेपाल मोडल हो र कार्यान्वयन पनि नेपाल मोडलकै हुन्छ भन्ने कुरा बुझ्नु बढी सान्दर्भिक हुन्छ । छिमेकमा जे चलेको छ, त्यही मात्र अन्तिम सत्य नहुन सक्छ ।
सङ्घीयताको कार्यान्वयन हुँदै गर्दा कतिपय प्रदेशको नाममा विवाद पनि देखिएका छन् भने कतिपय प्रदेशले अहिलेसम्म नामकरण गर्न र राजधानी तोक्न सकेका छैनन् । नेपाली समाज जातजाति, समुदाय, भाषा र संस्कृतिका दृष्टिले विविधतापूर्ण र मिश्रित छ ।
नेपाललाई जति प्रदेशमा विभाजन गरे पनि अन्ततः त्यो बहुजातीय, बहुसांस्कृतिक नै छ । यस्तो तथ्यलाई उपेक्षा गरेर एक मात्र जातको नामसँग जोडेर प्रदेश नामकरण गर्दा अरू जातिले अपनत्वको महसुस नगर्न सक्छन् । जातीय प्रदेशको विवाद र स्रोत र साधनमा खिचातानी भयो भने त्यसले सङ्घीयतालाई नै हानि गर्छ । मुलुकको दीर्घकालीन विकाससँग नजोडिएको सङ्घीयता कहीँ पनि काम लाग्दैन ।
प्राकृतिक स्रोत र साधनले अत्यन्त सम्पन्न मानिएको हाम्रो मुलुक उपलब्ध स्रोत र साधनको समुचित उपयोग गर्न नसक्दा गरिब भनेर चिनिएको छ । अब फेरि पनि सङ्घीयताका नाममा तिनै स्रोत र साधनका लागि द्वन्द्व र झगडामा मात्र समय खेर गयो भने सङ्घीयतामाथि नै जनताले प्रश्न उठाउन सक्छन् ।
हाम्रो प्रमुख सम्पत्ति नै जलस्रोत हो । हाम्रा नदीहरू हिमालबाट बगेर तल आउँछन् । मुख्य पूर्वाधार निर्माण एक ठाउँमा मात्र निर्भर भएर सम्भव छैन । यस्तो अवस्थामा प्रदेश प्रदेश तथा प्रदेश र सङ्घबीच आपसमा समझदारी आवश्यक छ । त्यसो हुन सकेन भने तीव्र विकासमा खर्च गर्नुपर्ने अबको समय स्रोत र साधनका लागि अनावश्यक झगडा गरेर मात्र बित्नेछ ।
सङ्घीयता भनेको स्रोत, साधन, अधिकार र कर्तव्यसहितको प्रादेशिक विभाजन हो भन्ने कुरामा द्विविधा छैन । तर, यसको सीमा हुन्छ भन्ने कुरा पनि त्यत्तिकै मननयोग्य छ । विकास र समृद्धिका लागि सङ्घीयता चाहिन्छ । विकास र समृद्धि सङ्घीयताले मात्र ल्याउँदैन, उचित योजना र स्रोत–साधनको पहिचान, परिचालन गर्ने ल्याकत र इच्छाशक्तिबाट मात्रै सम्भव छ भन्ने तथ्यलाई सङ्घीयतामाथि अधिकारको बहसमा उत्रेकाहरूले बुझ्नुपर्छ । राज्यका सबै निकायमा संस्थागत रूपमा झाँगिएको भ्रष्टाचारजन्य विकृतिको अन्त्य गर्ने अठोट र इच्छाशक्तिका साथ त्यसलाई व्यवहारमा उतार्न सकिएन भने सङ्घीयता छ भन्दैमा देश समृद्धितर्फ जाँदैन ।
त्यसैले सरकारका तीनवटै तहले सुशासनलाई भाषणको विषय मात्रै होइन, व्यवहारको कसीमा उतार्न सक्नुपर्छ । विकास, समृद्धि, सुशासन भन्ने कुरा कानले सुन्नेभन्दा बढी आँखाले देख्ने र आँखाले देख्नेभन्दा बढी अनुभूति गर्ने कुरा हो भन्ने तथ्यलाई राज्यका सबै तहले बुझ्नुपर्छ । सङ्घीय शासन प्रणाली भनेको अधिकार र पदको बाँडफाँट मात्रै होइन, यो उत्तरदायित्व र जवाफदेहिताको बाँडफाँट पनि हो भन्ने कुरालाई सबै तहका सरकारले मूल मन्त्रका रूपमा लिनु आवश्यक छ ।
सङ्घीय सरकारले प्रदेश सरकार र स्थानीय तहलाई विनियोजन गर्ने बजेटको सीमा, प्रदेश र स्थानीय सरकारले उठाउने गरेको कर, कर्मचारीतन्त्रका गतिविधि, प्रदेश राजधानी र नामकरणमा देखिएको कठिनाइ, प्रदेश सरकारका बजेट वितरणमुखी कार्यक्रम, कर्मचारी समायोजनमा देखिएका कठिनाइ, जनप्रतिनिधिले लिएका सेवा सुविधा, कर्मचारी जनप्रतिनिधिको झगडा आदि कारणले सङ्घीयतामाथि आमजनताको नकारात्मक धारणा बन्ने सम्भावना छ । यसलाई राजनीतिक नेतृत्वले समयमै सुधार्नु आवश्यक छ ।
केन्द्र सरकारलाई हाउगुजीका रूपमा प्रस्तुत गरेर प्रदेश र स्थानीय तहका सरकार पानीमाथिको ओभानो हुन सक्दैनन् । केन्द्रले पनि सबै अधिकार आफैमा निहित गर्ने अभ्यास गर्नु उपयुक्त हुँदैन । सङ्घीयताको कार्यान्वयनका लागि एक अर्को तहका सरकारबीचमा आपसी विश्वास आवश्यक छ ।
सबै राजनीतिक दल र सरकारमा राजनीतिक सुसंस्कारको विकास हुनु आवश्यक छ । हिजोका गलत प्रचार र बुझाइबाट पाठ सिक्दै अगाडि बढ्नु नै भोलिको सफल सङ्घीयताको आधार सिर्जना गर्नु हो । यसो गरेमा मात्र भोलि सङ्घीयताको बहस पनि सकारात्मक बन्ला ।
‘लेखक राष्ट्रिय मानवअधिकार आयोगका निर्देशक हुनुहुन्छ ।’
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपप्रचण्डको यूटर्नले जोगिएको रवि लामिछानेको पद
बैशाख २७, २०८१ बिहिबार
कम्युनिष्टहरूले अरूको अस्तित्व समाप्त पारेर कस्तो लोकतन्त्र स्थापना गर्न चाहेका होलान् ?
बैशाख २५, २०८१ मंगलबार
नेपालबारे के भन्छिन जापानकी विदेशमन्त्री खामिखावा ?
बैशाख २३, २०८१ आइतबार
सीमा नाकामा सशस्त्रका एसपीमाथि निगरानी, पर्साका एसपी हेडक्वार्टरमा तानिए
नेपालबहस संवाददाता
बैशाख २७, २०८१ बिहिबार
गृृहमन्त्री रविको बचाउ प्रकरणले महान्यायाधिक्ता विवादमा
नेपालबहस संवाददाता
बैशाख २६, २०८१ बुधबार
प्रचण्डको यूटर्नले जोगिएको रवि लामिछानेको पद
विनोद त्रिपाठी
बैशाख २७, २०८१ बिहिबार
पोखरा महानगरको छानबिनमा सूर्यदर्शन सहकारीबाट गृहमन्त्री लामिछानेले एक करोड लिएको पुष्टि
बैशाख २८, २०८१ शुक्रबार
संसदीय छानबिन समिति बनाइयो भने गृहमन्त्रीले राजीनामा दिनुपर्छ, सरकार ढल्न सक्छः ओली
बैशाख २८, २०८१ शुक्रबार
मधेशमा सरकारबाट बाहिरिने तयारीमा एमाले र माओवादी
बैशाख २७, २०८१ बिहिबार
अमेरिका र क्यानाडा पठाइदिन्छु भन्दै साढे ५ करोड ठगी गर्ने गिरोह पक्राउ
बैशाख २८, २०८१ शुक्रबार
त्रिभुवन विमानस्थलबाट सुनसहित एक जना पक्राउ
बैशाख २८, २०८१ शुक्रबार
प्रतिनिधि सभाको बैठक स्थगित, अब जेठ १ गते बस्ने
बैशाख २८, २०८१ शुक्रबार
प्राधिकरणलाई २१ करोड तिरेर टेलिकमले लियो लाइसेन्स
बैशाख २८, २०८१ शुक्रबार
कोशीमा अन्तरिम आदेश भएन, रिट पूर्ण इजलासमा जाने
बैशाख २८, २०८१ शुक्रबार
सरकारी संयन्त्रलाई वासिङ मेसिन जस्तो बनाएर प्रधानमन्त्रीले रविलाई कति दिन बोक्ने ?: कांग्रेस
बैशाख २८, २०८१ शुक्रबार