उच्च पोषणयुक्त र स्वस्थवर्द्धक दही खानुका फाइदै फाइदा
नेपालबहस संवाददाता
असार १५, २०८० शुक्रबार १२:२७:३९
१५ असार, काठमाडौं । आज असार १५ अर्थात् नेपाली समाजमा खेतमा रोपाईं गरी दही चिउरा खाएर मनाउने परम्परा छ । खेतीपातीबाहेक अन्य पेसा र व्यवसायमा लागेका नेपालीले पनि आजको दिन दही चिउरा खाएर दिन मनाउने गर्दछन् ।
हामीले मनाउने विभिन्न चाड पर्वको छुट्टै मूल्य मान्यता भएपछि यस दिन खाने परिकारको पनि विशेष महत्व हुन्छ । आजका दिनमा खाइने दही चिउराले स्वास्थ्यलाई विभिन्न फाइदा पुर्याउने गर्दछ ।
स्वास्थ्यका किसिमले हेर्ने हो भने दहीमा उच्च गुणस्तरको चिल्लो, प्रोटिन, क्याल्सियम, पोटासियम, पानी, कार्बोहाइड्रेट, फस्फोरस, सेलेनियम र विभिन्न भिटामिन 'भिटामिन ए, बी १२, बी २' पाइन्छ । त्यस्तै दहीमा प्रोबायोटिक प्रोटिन पाइन्छ । जसले शरीरलाई चिसो बनाइराख्ने र शरीरलाई शीतलता प्रदान गर्ने गर्दछ ।
साथै यसले पाचन शक्तिको क्षमता बढाउँछ र रोगप्रतिरोधात्मक क्षमता बढाउने गर्छ । त्यस्तै चिउरामा कार्बोहाइड्रेट पाइन्छ । यो लामो समय राख्दा पनि अन्य खानेकुरा जस्तै सड्ने, गल्ने, बासी हुँदैन । यसले त झन् पाचनशक्ति तथा संक्रमण हुनबाट जोगाउन मद्दत गर्छ । साथै यसले तुरुन्तै शरीरमा ऊर्जा, फूर्तिलो बनाउने काम गर्छ ।
थोरै पैसामा अत्यधिक मात्रामा सस्तो, उच्च पोषणयुक्त, स्वस्थवर्द्धक तथा औषधिको काम गर्ने खाजा हो दही चिउरा । त्यही भएर उहिले उहिले झाडापखालाबाट बच्न दही चिउरा खाने गरिन्छ ।
आज असार १५ गते मानो रोपेर मुरि फालाउने दिन । आजका दिन दहीमा केरा, आँप र चिनी पनि मिसाउने गरिन्छ । त्यस्तै अहिलेका सिजनमा केरा र आँपको सिजन भएको कारण यही राखेर खाने चलन छ । जसले गर्दा अझ पोषणयुक्त खाजा बन्छ । तर हिजोआज बेमौसमी फलफूल पनि धेरै पाउने भएका कारण इच्छाअनुसार अन्य फलफूल मिसाएर पनि गरिन्छ ।
असारको मध्यमा भागमा आइपुग्दा नेपालमा मनसुन भित्रिसकेको छ र वर्षायाम सुरु भइसकेको छ । गर्मीले आत्तिएकाहरुका लागि वर्षाले राहत लिएर आएको छ । यहि मौसममा असार १५ मनाउदै दही खानुको छुट्टै मज्जा छ ।
दही गुणकारी पनि छ । दही सेवन गर्दा स्वास्थ्यमा अनेक लाभ मिल्छ । तर, दही खाने समय र तरिकामा भने ख्याल गर्नुपर्छ । किनभने दही गुणकारी हुँदाहुँदै पनि यसको सेवन गर्ने विधि र समय थाहा नहुँदा यो विषाक्त बन्न पुग्छ । दहीको अर्युवेदिक महत्व छ । यो स्वाद र स्वास्थ्यका लागि मात्र होइन, सौन्दर्यका लागि पनि उत्तिकै उपयोगी मानिन्छ । दहीमा केहि यस्ता तत्व हुन्छ, जसले पाचन क्रियालाई चुस्त राख्न सहयोग गर्छ । दहीमा प्रचुर मात्रामा क्याल्सियम पाइन्छ । यसका साथै, यसमा सोडियम, पोटासियम, भिटामिन ए, डी, बी–१२ पाइन्छ ।
१. पाचन क्रियामा सघाउँछ
दहीमा पाइने स्वस्थ ब्याक्टेरियाले पाचन क्रियालाई सहयोग पु¥याउँछ । यसले मसालेदार खानेकुराको असरलाई कम गर्दछ ।
२. मुटु स्वस्थ बनाउँछ
दहीले कोलेस्ट्रोलको मात्रालाई पनि नियन्त्रणमा राख्छ जसका कारण दही नियमित खाने व्यक्तिको मुटु स्वस्थ हुन्छ ।
३. प्रतिरोधी क्षमता बढाउँछ
दहीमा पाइने स्वस्थ ब्याक्टेरियाले प्रतिरोधी क्षमतामा वृद्धि गर्दछ ।
४.दाँत र हड्डी बलियो बनाउँछ
दहीमा क्याल्सियम र फस्फोरसको मात्रा अत्यधिक हुने भएकाले यसले दाँत र हड्डीलाई बलियो बनाउँछ । नियमित रूपमा दहीको सेवनले हड्डीसम्बन्धी रोग लाग्नबाट जोगाउँछ ।
५. छालाको स्याहारका लागि उपयोग गरिन्छ
दहीलाई घरेलु फेस प्याकमा अत्यधिक प्रयोग गरिन्छ । दहीमा जिङ्क, भिटामिन ई, फस्फोरसजस्ता मिनरल्स पाइने भएकाले यसले छालालाई जवान राख्छ ।
६.चायाँ हटाउँछ
दहीमा पाइने ल्याक्टिक एसिडले कपालको चायाँबाट राहत प्रदान गर्दछ । मेहेन्दीमा दही मिसाएर लगाउँदा चायाँ हट्नुका साथै कपाललाई नरम र चम्किलो राख्न मद्दत गर्दछ ।
७. तौल घटाउन सहयोग गर्दछ
दहीमा पाइने क्याल्सियमले शरीरमा कार्टिसोल बनाउन सहयोग गर्दछ । शरीरमा कार्टिसोलको असन्तुलनले मोटोपना, हाइपरटेन्सन र कोलेस्ट्रोल बढाउने गर्दछ ।
८.तनाव र चिन्ताबाट राहत
खानामा दही समावेश गर्दा यसले शरीरलाई रिल्याक्स हुन मद्दत गर्दछ । एक अनुसन्धानका अनुसार दहीको सेवनले दिमागको त्यो भागको क्रियाकलापलाई कम गर्दछ जसले भावना र पीडालाई नियन्त्रण गर्दछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप'आइभिएफ' प्रविधिबाट बच्चा जन्माउनेको संख्या किन बढ्दैछ ?
साउन १२, २०८१ शनिबार
कुन ग्रहले गरीब बनाउँछ, यसबाट बच्न के उपाय अपनाउनु पर्छ?
साउन ११, २०८१ शुक्रबार
डिप्रेसनका कारण हरेक वर्ष विश्वभर ७० लाख मानिसको आत्महत्या !
साउन १०, २०८१ बिहिबार
बाग्मतीमा कुन्दन काफ्लेको लफडाले रोकियो मन्त्रीहरुको शपथ
नेपालबहस संवाददाता
साउन ११, २०८१ शुक्रबार
माधव नेपालले दिए पार्टी फुटाउने कोसिस भइरहेको संकेत
नेपालबहस संवाददाता
साउन १०, २०८१ बिहिबार
मौरिटानियामा जहाज दुर्घटना हुँदा २५ जनाको मृत्यु, १९० बेपत्ता
नेपालबहस संवाददाता
साउन १०, २०८१ बिहिबार
फ्रान्समा आज पनि रेल सेवा प्रभावित, आक्रमणकारीको खोजी जारी
साउन १२, २०८१ शनिबार
गाजास्थित विद्यालयमा इजरायली सेनाको आक्रमण, कम्तिमा ३० जनाको मृत्यु
साउन १२, २०८१ शनिबार
जनताले प्राप्त गरेको अधिकार कसैले खोस्न सक्दैन : अध्यक्ष प्रचण्ड
साउन १२, २०८१ शनिबार
धनगढीमा बिरामीको मृत्युपछि उत्पन्न तनावपूर्ण स्थति नियन्त्रणमा लिन अश्रुग्यास प्रहार
साउन १२, २०८१ शनिबार
बस खोज्न प्रयोग गरिएको १९ किलोको चुम्बक त्रिशुलीमा हरायो
साउन १२, २०८१ शनिबार
संसदीय सुनवाइ समिति बैठक बोलाइयो, प्रस्तावित निर्वाचन आयुक्त प्रधानबारे निर्णय हुने
साउन १२, २०८१ शनिबार