शिवशिखर बहुउद्देश्यीय सहकारीका अध्यक्षमाथि सम्पत्ति शुद्धीकरणमा समेत अनुसन्धान

१८ असार, काठमाडौं । बचतकर्ताको १४ अर्ब रुपैयाभन्दा बढी ठगेको आरोपपछि लामो समय फरारछि भारतबाट पक्राउ गरी ल्याइएको भक्तपुर गठ्ठघरमा अवस्थित शिवशिखर बहुउद्देश्यीय सहकारी संस्थाका   संचालक एवं पूर्वअध्यक्ष केदारनाथ शर्मामाथि सम्पत्ति शुद्धीकरणमा पनि अनुसन्धान सुरु भएको छ । 

सम्पत्ति अनुसन्धान विभागले उनीको सम्पत्तिबारे अनुसन्धान थालेको हो । साथै विभागले शर्मा सम्वद्ध विभिन्न संस्था र कम्पनीहरुको सम्पत्ति रोक्का राख्ने निर्णय गरिसकेको छ । सम्पत्ति अन्यत्र बेचबिखनको संभावना बढेपछि रोक्काका लागि सम्बन्धित निकायमा पत्राचार गरेको विभागले जनाएको छ । 

बचतकर्ताको रकम हिनामिना गरेर फिर्ता नगरी फरार भएपछि अनुसन्धानकाल लागि सयौं बचतकर्ताहरुले सहकारी विभागमा उजुरी दिएका थिए । विभागले सीआईबीलाई पत्र लेखेको थियो । उनलाइ यही असार १० गते भारतकाे मुम्बइबाट पक्राउ गरी काठमाडाैं ल्याइएकाे थियाे । बचत करम हिनामिना गरी अवैध तवरले सम्पत्ति जोडेको तथ्य फेला परेको विभागको दाबी छ । 

२०७७ सालमा भक्तपुरमा शिव शिखर कृषि सहकारी र शिखर दीप बहुउद्देश्यीय सहकारी मर्ज भएर शिव शिखर बहुउद्देश्यीय सहकारी स्थापना भएको पाइएको छ ।