आज पनि संसद बैठक अवरुद्ध गर्ने एमालेको तयारी

२२ असार, काठमाडौं । संघीय संसदको दुवै सदनका बैठक बस्दैछन् । राष्ट्रियसभाको बैठकमा विभिन्न मन्त्रायलहरुको बजेटमाथि छलफलको कार्यक्रम राखिएको छ भने प्रतिनिधिसभा बैठकमा तीनवटा बिद्येयक प्रस्तुत गर्ने कार्यसूची छ । 

संघीय संसद सचिवालयले सार्बजनिक गरेको सम्भावित कार्यसुची अनुसार शुक्रवारको प्रतिनिधिसभा बैठकमा तीनवटा बिधेयक प्रस्तुत हुनेछन् । जसअनुसार राष्ट्रियसभावाट उत्पति भएको नेपाल विश्वविधालय बिधेयक २०८० प्रतिनिधिसभा बैठकमा टेबुल हुनेछ । 

यसैगरी, कानुन, न्याय तथा संसदीय मामिला मन्त्री धनराज गुरुङले केही नेपाल ऐन संसोधन गर्न बनेको बिधेयक २०८० पेश गर्नेछन् भने राष्ट्रियसभामा उत्पति भएको ‘मुलकी संहिता सबन्धी केही नेपाल ऐन संसोधन गर्ने बिद्येयक २०८० माथीको दफावार छलफल सदनमा गरियोस भन्ने प्रस्ताव पेश गर्नेछन ।

आजै सो बिद्येयकमाथि संसोधनहरुलाई निर्णयार्थ प्रस्तुत गरिने सम्भावित कार्यसुचीमा राखेको संसद सचिवालयलले मुलुकी संहिता सबन्धी बिद्येयक पारित गर्ने प्रस्ताव प्रस्तुत हुनेछ । तर आजको बैठक पनि प्रमुख प्रतिपक्ष दल नेकपा एमालेले अवरोध गर्ने तयारी गरेको छ । एमालेले लगातार अवरोध गर्दै आएको छ ।  

राष्ट्रियसभाको बैठक १२ः३१ बजे बोलाइएको छ भने प्रतिनिधिसभाको बैठक दिउँसो ३ बजे बोलाइएृको छ । संघीय संसद सचिवालयले सार्बजनिक गरेको कार्यसुची अनुसार राष्ट्रियसभाको शुक्रवारको बैठकमा बिनियोजन बिद्येयक २०८० माथि मन्त्रालयगत रुपमा छलफल हुनेछ । 

जसअनुसार आजको बैठकमा गृह मन्त्रालय, रक्षा मन्त्रालय, राष्ट्रपतिको कार्यालय, उपराष्ट्रपतिको कार्यालय, प्रधानमन्त्री तथा मन्त्रीपरिषदको कार्यालय र राष्ट्रिय योजना आयोगको सचिवालयको बजेटमाथि छलफल हुनेछ । सो अघि उद्योग, बाणिज्य तथा आपुर्ति मन्त्री रमेश रिजालले ‘बिद्युतीय ब्यापार विधेयक २०८० सभा समक्ष पेश गर्नेछन् ।