कमिशन र भ्रष्टाचारको जालो राजनीतिक नेतृत्वसँग जेलिएको छ :  गृहमन्त्री श्रेष्ठ

२२ असार, काठमाडौं ।  उपप्रधानमन्त्री तथा गृहमन्त्री नारायणकाजी श्रेष्ठले कमिशन, बिचौलिया र भ्रष्टाचारको जालो राजनीतिक नेतृत्वसँग जोडिएको बताएका छन् । 

निजी निवासमा संचारकर्मीहरुसँग कुराकानी गर्दै उनले कमिशन र भ्रष्टाचारको जालो राजनीतिक नेतृत्वबाट संरक्षित रहेको बताए । साथै जालोमा राजनीतिक नेतृत्वकै संलग्नता हुने गरेकोबताए । 

सुशासन र सम्वृद्धिको अभियानका लागि सरकारले भ्रष्टाचार र कमिशनखोरविरुद्ध कडा कदम चालेको अवस्था रहेको र यसमा संचारकर्मीहरुले समाचारको सत्यतथ्य विषय प्रवाह गर्न आग्रह गरे । 

संचारकर्मीकाे प्रश्नकाे जवाफमा मन्त्री श्रेष्ठले ललितानिवास प्रकरणमा कुनैपनि किसिमका हस्तक्षेप नरहेकाे स्पष्ट पारे । 

उनले प्रतिपक्षी दलहरुले प्रधानमन्त्री प्रचण्डको राजीनामा माग गरेर संसदमा बितण्डा मच्चाउन खोजेको आरोप लगाए । सरकार गतल प्रवृत्तिको डटेर सामना गरेर आगाडि बढ्ने बताए ।