सुख्खा पहिरो खसेर मुग्लिन नारायणगढ सडकखण्ड अवरुद्ध

२३ असार, चितवन । पहिरोका कारण पटक पटक अवरुद्ध हुँदै आएको मुग्लिङ- नारायणगढ सडकमा फेरी सुक्खा पहिरो खसेको छ । पहिरो खसेपछि मुग्लिङ- नारायणगढ सडक यति बेला अवरुद्ध भएको छ । जिल्ला प्रहरी कार्यालय चितवनका अनुसार काली खोला नजिकै शनिबार दिउँसो ४ बजे सुक्खा पहिरो खस्दा सडक अवरुद्ध भएको हो ।

सडक डिभिजन कार्यालय भरतपुरले पहिरो हटाउनका लागि एक्साभेटर पहिरो स्थलतर्फ पठाएको जनाएको छ । पहिरो पन्छाएर सडक खुलाउन केही समय लाग्ने भएपछि सवारी साधन रोकिएका छन् ।  सडक अवरुद्ध हुँदा मुग्लिङतर्फ जाने र नारायणगढ तर्फ आउने सवारी साधन जाममा परेका छन् ।