सडक दुर्घटनाबाट धेरै मानवीय क्षति भयो, सडक, सवारी र नियमनको अनुसन्धन गरौँः ओली

२४ असार,काठमाडौं । नेकपा एमालेका अध्यक्ष केपी शर्मा ओलीले सडक दुर्घटनाबारे सवै निकाय गम्भिर बन्न आवश्यक रहेको बताएका छन् । उनले सडक दुर्घटनाबाट देशले धेरै मानवीय क्षति ब्यहोरी सकेको भन्दै उनले दैनिक रुपमा भएका सडक दुर्घटनाप्रति चिन्ता ब्यक्त गरेका छन् । 

दैनिक रुपमा औसत ६ जनाले सडक दुर्घटनामा ज्यान गुमाउन थाले पछि एमाले अध्यक्ष ओलीले यसवारेमा अध्ययन अनुसन्धान गर्नुपर्ने पनि जनाएका छन् । उनले पछिल्लो तीन महिनामा नेपालमा प्रतिदिन ६ जनाले सवारी दुर्घटनामा ज्यान गुमाउने गरेको रेकर्ड सार्वजनिक भएपछि ओलीले यसको गहिरो अनुसन्धान हुन आवश्यक रहेको बताएका हुन् । 

ओलीले भने, ‘दुर्घटनाका कारणहरु हाम्रा सडक पूर्वाधार, सडक अनुशासन, ट्राफिक नियमको पालना र सवारी साधनको स्थिति लगायत अनेकौं हुन सक्छन् यस विषयमा सुक्ष्म अध्ययन र अनुसन्धान हुन जरुरी देखियो ।’