कामना सेवा विकास बैंकको ५७ हजार कित्ता संस्थापक शेयर बिक्रीमा

१४ साउन, काठमाडौं । कामना सेवा विकास बैंकको ५७ हजार बढी कित्ता शेयर बिक्रीमा राखिएको छ। बैंककी संस्थापक सेयरधनी इल्या भट्टराई दीक्षितको नाममा रहेको ५७ हजार २५ कित्ता शेयर बिक्रीमा राखिएको हो।

यो सेयरमा विद्यमान संस्थापक शेयरधनीहरुले खरिद आवेदन दिन सक्नेछन्। यो शेयर खरिदका लागि ३५ दिने म्याद राखिएको छ। इच्छुक संस्थापक शेयरधनीहरुले तोकिएको अवधिभित्र आफूले खरिद गर्न चाहेको शेयर संख्या र मूल्य खुलाई काण्माडौंको ज्ञानेश्वरस्थित बैंकको केन्द्रीय कार्यालयमा सम्पर्क गर्न सक्नेछन्। 

तोकिएको म्यादभित्र संस्थापक शेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थाका लागि बिक्री खुला गरिने बैंकले जनाएको छ।