नेपाल मर्चेण्ट बैंकर संघको अभिमुखिकरण कार्यक्रम सम्पन्न

१९ साउन, काठमाडौं । नेपाल मर्चेण्ट बैंकर्स संघ को संयोजकत्व र नेपाल राष्ट्र बैंक, वित्तीय जानकारी ईकाई तथा नेपाल धितोपत्र बोर्ड संगको सहकार्यमा मिति २०८०/०४/१८ गते बिहिबारका दिन होटल एम्वेस्डरमा एएमएल/सिएफटी र गो ए एम एल एप्लिकेसन सम्बन्धी अभिमुखिकरण कार्यक्रम सम्पन्न भएको छ ।

उक्त कार्यक्रममा सम्पत्ति शुद्धीकरण तथा आतङ्कवादी क्रियाकलापमा वित्तीय लगानी निवारण सम्बन्धी राष्ट्रिय रणनीति तथा कार्य योजना अनुसार धितोपत्र क्षेत्रमा सफ्टवेयर सिस्टम पूर्ण रुपमा लागू गराउन सूचक संस्थाहरूले  गो ए एम एल (प्रोडक्सन इनभाइरोन्मेन्ट) मा यथा शीघ्र आबद्ध हुनुपर्ने प्रावधान बमोजिम सो सम्बन्धमा नेपाल राष्ट्र बैंक, वित्तिय जानकारी ईकाई तथा नेपाल धितोपत्र बोर्डका विज्ञहरुबाट जानकारीमूलक अभिमुखीकरण कार्यक्रम सम्पन्न गरिएकाे हाे । कार्यक्रममा नेपाल धितोपत्र बोर्डमा दर्ता भई संचालनमा रहेका सबै मर्चेण्ट बैंकरहरुबाट प्रतिनिधिहरूको उपस्थिति रहेको जनाइएकाे छ ।

कार्यक्रममा नियामक निकायबाट उपस्थित हुनुभएका पदाधिकारीहरू तथा उपस्थित सम्पूर्ण सहभागितालाई नेपाल मर्चेण्ट बैंकर्स संघ को तर्फबाट अध्यक्ष बिजय लाल श्रेष्ठबाट धन्यवाद ज्ञापन गरेकाे बताइएकाे छ ।