घुससहित पक्राउ परेका लेखा अधिकृतविरुद्ध भ्रष्टाचार मुद्दा

२१ साउन, काठमाडौं । अख्तियार दुरुपयोग अनुसन्धान आयोगले मोरङको सुन्दरहरैचा नगरपालिका (नपा)का लेखा अधिकृत शेखर ढकालविरुद्ध  विशेष अदालतमा भ्रष्टाचार मुद्दा दायर गरेको छ ।

दुई लाख रुपैयाँ बिगो दाबी गर्दै शुक्रवार विशेष अदालत काठमाडौंमा आरोप पत्र दायर गरिएको अख्तियारले जनाएको छ । भ्रष्टाचारको आरोपछि ढकाल निलम्बनमा छन् । 

अधिकृत ढकालले नगरपालिका र वडा कार्यालयमा विद्युतीय उपकरण एवं सोलारको जडान तथा मर्मत कार्यको भुक्तानी प्रयोजनको लागि सेवाग्राहीबाट लिएको दुई लाख घुस रकमसहित गएको असार २२ मा पक्राउ परेका थिए । झण्डै महिना दिनको अनुसन्धानपछि मुद्दा दायर गरिएको हो ।