विश्व आदिवासी दिवसमा आदिवासी जनजातिहरूको पहिरन र झाँकी

२४ साउन, काठमाडौं । २९औं विश्व आदिवासीको अवसरमा बुधबार नेपालमा पनि आदिवासी जनजाति समूदायले विभिन्न कार्यक्रम आयोजना गरी मनाइरहेका छन् । उनीहरुले जातिगत संघ संस्थाको आयोजनामा देशैभर आफ्नो परम्परा, संस्कृति झल्कने पहिरन, झाँकी, बाजा लगायत भेषभुषा प्रर्दशन गरेका छन् । 

काठमाडौंमा पनि माझी, तामाङ, मगर, शेर्पा, नेवारलगायत पाँच दर्जनभन्दा बढी आदिवासी जनजाति समूदायले विशेष कार्यक्रमसहित दिवस मनाएका छन् । 

काठमाडौंको शहीदगेटबाट सुरू भएको झाँकी र्‍याली सुन्धारा, न्‍यूरोड, वीर अस्पताल, रत्नपार्क, जमल, त्रिचन्द्र कलेज हुँदै नपाल प्रज्ञा प्रतिष्ठान कमलादी पुगेर कार्यक्रममा परिणत भएको हो । 

संयुक्त राष्ट्र संघको आह्वानमा यस वर्ष विश्वभर विभिन्न मुलुकमा दिवस मनाइएको हो । नेपालमा  ‘इन्डिजिनियस युथ एज अगेन्सट् अफ चेन्ज फर सेल्फ डिटरमिनेसन’ नाराका आदिवासी दिवस मनाएका हुन् । 

सन् १९९४ डिसेम्बर २३ को संयुक्त राष्ट्रसङ्घको साधारणसभाले अगस्त ९ तारिखलाई विश्व आदिवासी दिवसका रूपमा मनाउने घोषणा गरेको थियो ।