सरकारबाट फिर्ता बोलाउने मन्त्रीको टुंगो लगाउन बालुवाटारमा माओवादी केन्द्रकाे पदाधिकारी बैठक जारी

२८ साउन, काठमाडौं । सरकारको नेतृत्व गरिरहेको नेकपा (माओवादी केन्द्र) को पदाधिकारी बैठक प्रधानमन्त्रीको सरकारी निवास बालुवाटारमा सुरु भएको छ । बैठकमा पार्टीबाट सरकारमा रहेका मन्त्रीहरूलाई पनि उपस्थित गराइएको छ । 

माओवादी केन्द्रका अध्यक्ष एवं प्रधानमन्त्री पुष्पकमल दाहाल ‘प्रचण्ड’ले गृह जिल्ला चितवनबाट काठमाडौं फर्किए लगत्तै बैठक राखेका हुन् । प्रचण्डले माओवादीका एक मन्त्रीलाई फिर्ता बोलाएर जनमतबाट एक जनालाई मन्त्री नियुक्त गर्दैछन् ।

त्यस क्रममा माओवादीका कुन चाहिँ मन्त्रीलाई फिर्ता बोलाउने भन्नेबारे टुंगो लगाउन बैठक बसिरहेको हो । 

माओवादी केन्द्रबाट सामान्य प्रशासनमा अमनलाल मोदी, उर्जामा शक्तिबहादुर बस्नेत, पर्यटनमा सुदन किराँती, गृहमा नारायणकाजी श्रेष्ठ र संचारमा रेखाकुमारी शर्मा मन्त्री छन् ।