रन वेमा पुगिसकेको एयर इन्डियाको जहाजमा समस्या, पार्किङमा फिर्ता

३० साउन, काठमाडौं । त्रिभुवन अन्तर्राष्ट्रिय विमानस्थलबाट मंगलबार अपराह्न उड्न लागेको एयर इन्डियाको जहाजलाई पार्किङमा फिर्ता ल्याइएको छ । इन्जिनमा समस्या देखिएपछि प्राविधिक जाँचका लागि पार्किङमा ल्याइएको हो । 

रन वेमा पुगिसकेको जहाजको समस्या आएपछि फिर्ता ल्याएको विमानस्थल कार्यालयले जनाएको छ । चालकदलसहित जहाजमा १८९ जना थिए । विमानको प्राविधिक परीक्षणपछि त्यही जहाज उड्ने कि अरु भन्नेबारे टुंगो लाग्ने कार्यालयले जनाएको छ ।