एमसीसी परियोजना कार्यान्वयनका लागि पाल्पामा जग्गा अधिग्रहण सुरु

३१ साउन, काठमाडौं । अमेरिकाको अनुदान आयोजना मिलिनियम च्यालेन्ज कम्प्याक्ट (एमसीसी) अन्तर्गत मिलेनियम च्यालेन्ज एकाउन्ट नेपाल विकास समितिले परियोजनाका काम अगाडि बढाउन पाल्पामा आवश्यक जग्गा अधिग्हण सुरु गरेको छ । समितिले आउँदो भदौबाट परियोजना पूर्ण रुपमा कार्यान्वयनमा जाने बताइसकेको छ । 

समितिले  ४ सय केभी विद्युत् प्रसारण आयोजनाअन्तर्गत पाल्पामा स्थायी जग्गा अधिग्रहण प्रक्रिया सुरु गरेको हो । नयाँ बुटवल सब स्टेशनदेखि नयाँ दमौली सब स्टेशन खण्ड अन्तर्गत पर्ने जग्गा अधिग्रहण गरिँदैछ । 

परियोजनामा प्राप्त रकम नेपालमा प्रसारण लाइन र ग्रामीण सडक निर्माणमा खर्च गरिनेछ ।