जुनसुकै भ्रष्टाचार छानबिनमा कांग्रेसको साथ रहन्छ : नेता केसी

३२ साउन, काठमाडौं । नेपाली कांग्रेसका नेता एवं सांसद अर्जुननरसिंह केसीले सरकारले गर्ने जुनसुकै भ्रष्टाचारको छानबिनमा कांग्रेसको साथ रहने बताएका छन् । 

बिहीबार सिंहदरबारमा बसेकाे सार्वजनिक लेखा समिति बैठकपछि सञ्चारकर्मीसँग कुरा गर्दै केसीले सुन तस्करी, ललिता निवास जग्गा हिनामिना, भुटानी शरणार्थी प्रकरणको छानबिनमा सरकारलाई सहयोग गरिरहेकाे समेत बताए । भ्रष्टाचार प्रकरणको अनुसन्धानलाई कही कतौबाट अवरोध र असयोग हुन नहुने नेता केसीले प्रष्ट पारे । 

एमालेका सांसदहरूले भने बैठक बहिष्कार गरेका छन् । नेता सभापति समितिका सभापति हुन् ।

एक प्रसंगमा उनले गलत समयमा पार्टीका सांसद सुनिल शर्मा पक्राउ परेको र यसले निरंकुश प्रवृति विकास हुने त होइन ? भन्ने प्रश्न उठेको बताए । मुलुकले भ्रष्टाचार र तस्करीको अखडा हुनबाट जोगाउन वर्तमान सरकार प्रतिवद्ध रहेको समेत उनले बताए ।

सरकारले गिरिबन्धु टी स्टेट जग्गा प्रकरण, ओम्नी काण्ड, वाइड बडी प्रकरण लगायत ठूला काण्डहरुको फाइल खोल्ने बताउँदै आएको छ । 

शैक्षिक प्रमाणपत्र नक्कली रहेको उजुरीका आधारमा सीआईबीले गत बिहीबार पक्राउ गरेको थियो । तर जिल्ला अदालतले तत्काल प्रमाण नष्ट गर्न सक्ने अवस्था नदेखिएको भन्दै तारेखमा राखेर अनुसन्धान गर्न आदेश दिएपछि तारेमा रिहा भएका थिए । हाल शर्मा तारेखा खेपिरहेका छन् । उनको शैक्षिक प्रमाणपत्रमाथि अनुसन्धान भइरहेको सीआईबीले जनाएको छ ।