जेलमा रहेका नेता खाण र पत्नी मञ्जुमाथि अख्तियारले थाल्यो भ्रष्टाचारमा अनुसन्धान

१ भदौ, काठमाडौं । अख्तियार दुरुपयोग अनुसन्धान आयोगले पूर्व गृहमन्त्री बालकृष्ण खाण र उनकी पत्नी मञ्जु खाणमाथि भ्रष्टाचारको आरोपमा छानबिनट सुरु गरेको छ ।

अख्तियारले गैरकानूनी तवरले सम्पत्ति आर्जनको अभियोगमा बालकृष्ण र उनकी पत्नी मञ्जुलाई बोलाएर सम्पत्ति अनुसन्धानसम्बन्धी फारम भराउने र सोधपुछ प्रक्रिया सुरु गरेको हो । मञ्जु समानुपातिक कोटाबाट प्रतिनिधिसभा सदस्य समेत हुन् ।

बालकृष्ण नक्कली भुटानी शरणार्थी प्रकरणमा कीर्ते, ठगी र संगठित अपराध मुद्दाको पुर्पक्षका लगि जेलमा छन् । खाण दम्पत्तिमाथि अवैध रुपले अकूत सम्पत्ति आर्जन गरेको आरोप छ । नेता खाण पूर्वगृहमन्त्री समेत हुन् । उनीमाथि प्रकरणमा घुसबापत एक करोड २४ लाख ५० हजार रुपैयाँ नगद लिएको आरोप छ ।

सम्पत्तिको स्रोत खुलाउन नसके दुवै जनाविरुद्ध भ्रष्टाचारको मुद्दा चल्ने अख्तियारले जनाएको छ ।