कोशीको कार्यव्यवस्था परामर्श समितिले बैठक संचालनबारे निर्णय गर्न सकेन

४ भदौ, काठमाडौं । कोशीका मुख्यमन्त्री उद्धव थापाले विश्वासको मत लिनेसम्बन्धी कार्यसूची तय गर्न बसेको कार्यसमितिको बैठक निर्णयविहीन भएको छ । 

उपसभामुख सिर्जना दनुवार सोमबार बिहान प्रदेशबाहिर हिँडेपछि प्रदेशसभामा प्रतिनिधित्व गर्ने दलका नेता, सेचतकहरुको बैठक बसेको थियो ।  बैठकले कुनै निर्णय लिन नसकेको कोशीमा कांग्रेसका प्रमुख सचेतक भुपेन्द्र राईले बताए । बैठक आज फेरि बस्ने उनले बताए । 

आजै प्रदेशसभाको बैठक बस्दैछ । यसअघि आजै दिउँसो १ बजे बोलाइएको बैठक बस्न सकेको छैन । उपसभामुख सिर्जना दनुवार बैठक बोलाएकी हुन् । तर उनी आज बिहानै स्वास्थ्यमा ‘अचानक’ समस्या भएको भन्दै उपचारका लागि प्रदेशबाहिर हिँडेसकेकी छ्न् । तरको उपचार कहाँ कसरी भइरहेको छ भन्नेबारे केही बताइएको छैन । उनी आफूले बैठक संचालन गर्दा मुख्यमन्त्री थापालाई विश्वासको मत प्राप्त हुने देखिएपछि प्रदेश छाडेको आरोप सत्ता पक्षका सांसदहरुले लगाएका छन् । 

दनुवारले बैठक संचालन गर्ने जिम्मा अध्यक्ष मण्डलका सदस्य स्माइल मन्सुरीलाई दिएर हिँडेकी हुन् । बैठक आजै बस्ने तयारीमा सत्ता पक्षधर दलहरुको तयारी छ ।

यो पनि पढ्नुहोस