नेपाली सेनाका गुल्मपति बडीगार्ड छाडेर सम्पर्कविहीन

११ भदौ, काठमाडौं । नेपाली सेनाको डोल्पा सदरमुकाम दुनैस्थित नन्द बक्स गुल्मका प्रमुख मेजर विमल पण्डित सम्पर्कविहीन भएका छन् । उनी गएरातिदेखि बडीगार्ड समेतलाई थाहा नदिई सम्पर्कविहीन भएका हुन् । 

उनको खोजीमा रातिदेखि नै सेनासहित नेपाल प्रहरीको टोली पनि परिचालन गरिएको डोल्पाका प्रमुख जिल्ला अधिकारीले भूमिश्वर पोख्रेलले बताएका छन् । खोजीका लागि डीएसपीको नेतृत्वमा टोली खटिइसकेको उनले बताए ।