नेप्से सूचक ५.०९ विन्दुले बढ्यो, कारोबार रकममा लक्ष्मी सनराइज बैंक अग्रस्थानमा

११ भदौ, काठमाडौं । शेयरबजार सोमबार पनि सुस्त देखिएको छ । नेप्से सूचक २ हजार विन्दुमुनि छ । यसदिन सूचक ५.०९ विन्दुले बढेर १९९८.४८ अंकमा आएको छ । ९८ करोड ८६ लाख रूपैयाँभन्दा बढीको शेयर कारोबार भएको छ । समग्रमा हेर्दा बजार साइडवेजमा गएको छ ।  

बजार घट्दै जाँदा लगानीकर्ताको मनोबल थप कमजोर भएको अवस्था छ । लगानीकर्ताको सक्रिय सहभागिता नहुँदा कारोबार रकम कम भएको छ । लाभांशको सिजनमा लगानीकर्ता निष्क्रिय बस्दा बजार १९ सयको तहमा झरेको हो ।

यस दिन २७९ कम्पनीको ३६ लाख ७० हजार कित्ता शेयर कारोबार भएको छ । कारोबार रकममा लक्ष्मी सनराइज बैंक अग्रस्थानमा आएको छ । यसको ७ करोड ३१ लाख रुपैयाँभन्दा बढीको कारोबार भएको छ । यसैगरी, दोस्रो र तेस्रो स्थानमा क्रमशः सोल्टी होटेल र आइएमई लाइफ इन्सोरेन्स परेका छन् ।