नेसनल हाइड्रोपावरको १३ लाख ३६ हजार कित्ता शेयर लिलामीमार्फत बेच्दै

११ भदौ, काठमाडौं । नेसनल हाइड्रोपावर कम्पनीको बुधबारदेखि सर्वसाधारण समूहको १३ लाख ३६ हजार ७४२.७१ कित्ता शेयर लिलामी बिक्री खुल्ने भएको छ । लगानीकर्ताले न्यूनतम् १०० रूपैयाँलाई आधार मानेर त्यसभन्दा बढी भाउ तोकी बोलकबोल माध्यमबाट आवेदन दिनुपर्नेछ । लिलामी भर्ने अन्तिम म्याद भदौ २४ गतेसम्म तोकिएको छ । 

 यसमा न्यूनतम् १०० कित्तादेखि अधिकतम सबै कित्ताका लागि आवेदन दिन सकिनेछ । नेसनल हाइड्रोपावरले  गत असार २९ गतेदेखि ५० प्रतिशत हकप्रद शेयर बिक्री खुला गरेको थियो । कम्पनीले साउन १८ गतेसम्म कुल ८२ लाख २१ हजार ४५९.७१७८ कित्ता हकप्रद शेयर बिक्री खुला गरेको थियो । 

 त्यस समयभित्र आवश्यकता अनुसार हकप्रद शेयर नबिकेपछि कम्पनीले बाँकी रहेको शेयर लिलामीमा ल्याउन लागेको हो । यसमा बिक्री प्रबन्धक मुक्तिनाथ क्यापिटल नारायणचौर, नक्साल, काठमाडौंबाट आवेदन दिन सकिनेछ । साथै, यसको आवेदन संकलन हुने बाँकी केन्द्रहरू यी रहेका छन् ।