क्यानको बागमती अध्यक्षमा पारस खडकालाई उमेश पियाले टक्कर दिने

१५ भदौ, काठमाडौं । नेपाल क्रिकेट संघ (क्यान)को बाग्मती प्रदेश अध्यक्षमा राष्ट्रिय क्रिकेट टीमका पूर्वकप्तान पारस खड्कालाई चितवनका उमेश पियाले चुनौति दिएका छन् । यसअघि खडका सर्वसम्मत हुने प्रचार गरिए पनि शुक्रबार पियाले अध्यक्षमा उम्मेदवारी दर्ताँ गराएका छन् । 

उपाध्यक्ष, सचिव र कोषाध्यक्षमा पनि दुई(दुई जनाको उम्मेदवारी परेको छ । उपाध्यक्षमा मकवानपुरका प्रेमबहादुर क्षेत्री र भक्तपुरका रुपक रञ्जितले उम्मेदवारी दर्ता गराएका छन् भने सचिवमा ललितपुरका प्रशन्न शाक्य र नुवाकोटका प्रज्ववल सापकोटाको उम्मेदवारी परेको छ । 

यसैगरी कोषाध्यक्षमा भक्तपुरका सञ्जय बस्नेत र चितवनका विजय बोहेराले उम्मेदवारी दिएका छन् । नौ जना सदस्यका लागि १६ जनाको उम्मेदवारी परेको छ । उमेशले प्यानल नै खडा गरेर प्रचारमा लागेकाछन् । उनको प्यानलबाट  उपाध्यक्षमा रूपक, सचिवमा प्रज्ववल र कोषाध्यक्षमा विजय उभिएका छन् ।

यो पनि पढ्नुहोस