महिला टी-२० विश्वकप एसिया छनोट प्रतियोगितामा नेपाल सेमिफाइनल प्रवेश

१८ भदौ, काठमाडौं । महिला टी-२० विश्वकप एसिया क्षेत्र छनोट प्रतियोगितामा नेपाल सेमिफाइनलमा प्रवेश गरेको छ । सोमबार भएको खेलमा कतारलाई ९ विकेटले हराउँदै सेमिफाइनल प्रवेश गरेको हो । 

मलेसियाको बांगीमा नेपालले टस जितेर बलिङ रोजेपछि ब्याटिङ गरेको कतारले निर्धारित २० ओभरमा ७ विकेट गुमाउँदै ७४ रनको योगफल तयार पारेको ७५ रनको सामान्य लक्ष्य दिएको थियो । पछि जवाफी ब्याटिङमा नेपालले १०.३ ओभरमा १ विकेट गुमाउँदै पूरा गर्यो । नेपालको यो लगातार चौथो जित हो । नेपालका लागि ओपनरद्वय काजल श्रेष्ठले सर्वाधिक ३२ रन सीता राना मगरले १७ रन योगदान गरे । यस्तै इन्दु बर्मा २० रनमा नटआउट भइन् ।

यसअघि मलेसिया, बहराइन र भुटानविरुद्ध सहज जित निकालेको थियो । समूह चरणको अन्तिम खेलमा नेपालले बुधबार यूएईसँग खेल्नेछ भने यो खेलपछि समूह विजेता र उपविजेता तय हुनेछ ।

यो पनि पढ्नुहोस