एमालेको लुम्बिनी अधिवेशनः प्रदेश सचिवमा पोखरेल निकटका आचार्य निर्विरोध

१८ भदौ, काठमार्डाैं । नेकपा (एमाले)को लुम्बिनी प्रदेश अधिवेशनबाट प्रदेश सचिवमा दाङका लक्ष्मण आचार्य निर्विरोध निर्वाचित भएका छन् । उनी पार्टी महासचिव शंकर पोखरेल निकटका नेता हुन् । 

सचिवमा मनोनयन दर्ता गराएका गुल्मीका सोमनाथ सापकोटाले सोमबार उम्मेदवारी फिर्ता लिएपछि आचार्य निर्विरोध निर्वाचित भएको निर्वाचन आयोगले जनाएको छ । 

अध्यक्षका लागि हरि रिजाल र राधाकृष्ण कँडेलबीच प्रतिस्पर्धा हुने भएको छ । प्रदेश कमिटीमा कपड जमाउन पार्टीका उपाध्यक्ष विष्णु पौडेल र महासचिव पोखरेल समुहबीच कडा प्रतिस्पर्धा चलिरहेको छ ।