एमालेलाई सरकार ढाल्ने र बनाउने खेलमा छैन  ः ईश्वर पोखरेल

२० भदौ, काठमाडौं । नेकपा (एमाले)का वरिष्ठ उपाध्यक्ष ईश्वर पोखरेलले आफ्नो पार्टीलाई सरकारमा जान हतार नभएको बताएका छन् । प्रेस चौतारी नुवाकोटले आज बट्टारमा आयोजना गरेको पत्रकार सम्मेलनमा पोखरेलले सरकार ढाल्ने र बनाउने कसरतमा एमाले नरहेको बताए । उनले अहिले एमालेका सिंगो पंक्ति पार्टी सुदृढीकरण अभियानमा लागिरहेको बताए । 

“वर्तमान सरकारमा सहभागी हुने मनसाय पार्टीको छैन ।  सरकारलाई ढाल्ने प्रयासमा लाग्नुभन्दा पनि आगामी निर्वाचनमा बहुमत ल्याउने गरेर सङ्गठन निर्माणमा केन्द्रित हुन व्यस्त छौंड पोखरेलले  भने । उनले पार्टीलाई बलियो बनाउन जबजको विकास तथा दशौँ महाधिवेशनको कार्यदिशा र कार्यभार अनुसार पार्टीको नेतृत्वतहदेखि तल्लो तहसम्मनै विधिबाट निर्देशित हुने भएकाले पार्टीमा कुनै वैमनश्यता नरहेको दाबी समेत गरे । 

उनले पार्टी नेतृत्वको निर्देशनविपरीत लुम्बिनी प्रदेश नेतृत्व चयनमा भोटिङ भएकाबारे सोधिएको प्रश्नमा लोकतान्त्रिक पार्टी रर पद्दतिमा चुनाव हुनु राम्रो भएको बताए ।

अध्यक्ष केपी शर्मा ओलीले सहमतिबाट प्रदेश कमिटी चयन गर्न उद्घाटन सत्रमा निर्देशन दिएपनि चुनाव भएको थियो । चुनावबाट प्यूठानका राधाकृष्ण कँडेल प्रदेश अयक्षमा निर्वाचित भएका छन् । उनले पाल्पाका हरि रिजाललाई २ मतले पराजित गरेका थिए । रिजालले ४७७ मत ल्याउँदा कक्डेलले ४७९ मत ल्याएर विजयी भएका थिए । सचिव पदमा मात्र निर्विरोध भएको थियो ।