मलंगवामा कर्फ्यू हटाएर निषेधाज्ञा लागू, २७ गते रातिसम्म कायम रहने

२२ भदौ, काठमाडौं । सर्लाहीको मलंगवामा स्थानीय प्रशासनले घोषणा गरेको निषेधाज्ञा खुकुलो बनाउँदै लगेको छ । कृष्ण जन्माष्टमीको मूर्ति सेलाउने क्रममा भएको स्थानीय दुई समुदायबीच झडपप थप क्षति हुन नदिन प्रशासनले शनिबार दिउँसो ५ बजेदेखि आज बिहान ८ बजेसम्मका लागि कर्फ्यूकाे सहारा लिएकाे थियाे । 

तर आइतबार स्थानीय प्रशासनले सूचना निकाल्दै कर्फ्यू हटाएर निश्चित क्षेत्र ताेकेर निषेधाज्ञाकाे खुकुलाे बाटाे लिएकाे छ । कर्फ्यू सुरक्षाकर्मीले गाेली हान्नेसम्मकाे अधिकार पाएकाे हुन्छ भने निषेधाज्ञामा पहिलाे राेक्नेर सम्झाउने नीति हुन्छ ।

प्रमुख जिल्ला अधिकारी इन्द्रदेव यादवद्वारा आज जारी गरेको सूचनामा निषेधाज्ञाकाे बाटाे लिएकाे उल्लेख छ । पूर्वमा झिम नदी, पश्चिममा मुसैली नहर, दक्षिणमा नेपाल–भारत सीमा क्षेत्र र उत्तरमा बाबा पेट्रोल पम्प क्षेत्रमा निषेधाज्ञा कायम रहेने जनाइएको छ । 

निषेधाज्ञा अवधिमा मानिस भेला हुन, जुलुस गर्न नहुने, बैठक वा प्रदर्शन वा पोष्टर, पर्चा जस्ता प्रचार सामग्री टाँस्न वा लेख्न नपाइने उल्ल्ेख छ । गएको शुक्रबार राति मूर्ति सेलाउने क्रममा  दुई समूहबीच झडप भएपछि स्थिति अप्रिय बन्दै गएको निष्कर्षसहित त्यसलाई रोक्न स्थानीय प्रशासनले निषेधाज्ञाको बाटो लिएको हाे । 

सूचनामा मानवअधिकारको सम्मान, शान्ति सुव्यवस्था कायम, सार्वजनिक सम्पत्तिको संरक्षण, समाजिक सद्भाव कायम राख्न अनुरोध समेत गरिएको छ ।