चार कम्पनीले हकप्रद शेयर बिक्री गर्न बोर्डसँग मागे अनुमति, कुनले कति जारी गर्दै ?

२५ भदौ, काठमाडौं । नेपाल धितोपत्र बोर्डमा ४ वटा कम्पनीले हकप्रद शेयर जारी गर्न अनुमति मागेका छन् । लिवर्टी इनर्जी, ङादी ग्रुप पावर, बरुण हाइड्रोपावर र आँखुखोला जलविद्युत कम्पनीले बोर्डसँग अनुमति मागेका हुन् ।  

लिवर्टी इनर्जीले ५०५ अर्थात् १:०.५ अनुपातमा  ७५ करोड रूपैयाँ बराबरको हकप्रद जारी गर्न बोर्डसँग अनुमति मागेको हो ।

हाल यसको चुक्ता पुँजी १ अर्ब ५० करोड रूपैयाँ रहेको छ । हकप्रद शेयर निष्काशनपछि यस कम्पनीको चुक्ता पुँजी २ अर्ब २५ करोड रूपैयाँ पुग्नेछ ।
 
यता, ङादी ग्रुप पावरले १००५ अर्थात् १:१ अनुपातमा १ करोड ८५ लाख १२ हजार ७९२.३२ कित्ता हकप्रद शेयर जारी गर्न बोर्डसँग अनुमति मागेको छ । 

 यसको कायम चुक्ता पुँजी १ अर्ब ८५ करोड १२ लाख ७९ हजार २२२.५० रूपैयाँ रहेको छ । शतप्रतिशत हकप्रद शेयर बिक्रीपछि कम्पनीको चुक्ता पुँजी ३ अर्ब ७० करोड २५ लाख ५८ हजार रूपैयाँ पुग्नेछ ।

त्यस्तै, बरुण हाइड्रोपावर लिमिटेले पनि १००५ अर्थात्, १:१ अनुपातमा ५३ लाख ५८ हजार १५० कित्ता हकप्रद शेयर जारी गर्न बोर्डसँग अनुमति मागेको हो ।

यस कम्पनीको हाल कायम चुक्ता पुँजी ५३ करोड ५८ लाख १५ हजार रूपैयाँ रहेको छ । हकप्रद शेयर बिक्रीपछि बरुणको चुक्ता पुँजी १ अर्ब ७ करोड १६ लाख ३० हजार रूपैयाँ पुग्नेछ । 

त्यसैगरी, आँखुखोला जलविद्युतले १५०५ अर्थात्, १:१.५ अनुपातमा १ करोड २० लाख कित्ता हकप्रद जारी गर्न बोर्डसँग अनुमति मागेको छ । हाल यस कम्पनीको चुक्ता पुँजी ८० करोड रूपैयाँ रहेको छ । हकप्रद सेयर निष्काशनपछि यस कम्पनीको चुक्ता पुँजी २ अर्ब रूपैयाँ पुग्नेछ । 

यी सबै कम्पनीले बोर्डको अनुमति पाएपछि हकप्रद शेयर बिक्री खुला गर्नेछन् । सबैले १०० रूपैयाँ अन्कित मूल्यमा शेयर जारी गर्न अनुमति मागेका हुन् ।