भ्रष्टाचारविरूद्धकाे अभियान रोक्न तैँ चुप मैं चुपको नयाँ तिकडम भइरहेका छन् : गृहमन्त्री श्रेष्ठ
नेपालबहस संवाददाता
भदौ २५, २०८० सोमबार १२:५८:११
२५ भदौ । काठमाडौं । उपप्रधान तथा गृहमन्त्री नारायणकाजी श्रेष्ठले भ्रष्टाचार निमिट्यान्न नपारिएसम्म सुशासन कायम गर्न संभव नहुने बताएका छन् । उनले वर्तमान सरकार सुशासन कायम गराउने दिशामा कटिबद्ध भएर लागिरहेको बताए ।
सोमबार ज्यापू समाज यलको ३० औं वार्षिक साधारण सभालाई सम्बोधन गर्दै मन्त्री श्रेष्ठले भ्रष्टाचारलाई प्रभावकारी ढंगबाट अन्त्य गर्न र सामाजिक न्याय तथा सुशासन कायम गराउन नागरिक जागरूक हुनु जरुरी रहेको बताए ।
‘भ्रष्टाचार, तस्करी, कमिसन खोर, कानुनको उल्लंघन गर्नेहरूलाई दण्डित गरेर नेपालमा शान्ति सुरक्षाको व्यवस्था नगरेसम्म विकास र समृद्धिले फड्को मार्ने संभावना भएन । अहिलेको सरकार विकास र समृद्धिको अभियान सफल बनाउन भ्रष्टाचार निर्मूल पार्ने अभियान साथ अगाडि बढिरहेको छ’ बढाएको छ’ उनले भने । सरकारको अभियानलाई साथ दिन उनले सबैसँग अपिल समेत गरे ।
उनले आफू भ्रष्टाचार विरुद्धको अभियानबाट पछाडि हट्ने कुरै नभएको भन्दै अभियान रोक्न नयाँ प्रकारका षडयन्त्र र तिकडमहरू भइरहेको बताए । उनले भने ‘म कबुल गर्न चाहन्छु । हामी सुशासनको अभियानबाट विश्राम लिनेछैनौँ ।’
सरकारले बालुवाटारको ललितानिवासको जग्गा १४३ रोपनी सरकारी जग्गालाई भाटभटेनी सुपरमार्केटका संचालक मीनबहादुर गुरुङलगायत ३०० बढी व्यक्तिहरूले कीर्ते कागजातको आधारमा आफ्नो नाममा पास गराएको आरोपमा अर्बौं रूपैयाँ बिगो जरिवाना र कैद सजायको माग गर्दै जिल्ला अदालत काठमाडौंमा मुद्दा दायर भएकोमा न्यायाधीश भोलानाथ ढकालको इजलासले न्यून धरौटीमा आइतबार १७ अभियुक्तलाई रिहा गरेको आरोप छ ।
६ अर्ब रूपैयाँ भन्दा बढी बिगो जरिवाना माग दावी गरिएका गुरुङलाई २ करोड ४६ धरौटीमा रिहा गरिएको छ । यसबाट सरकारको अभियानलाई धक्का पुगेको चर्चा सुरु भएको छ । अन्यलाई ३० हजारदेखि १५ लाख रूपैयाँ माग गरिएकाे छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपफेरी सुरु भयो सत्ता गठबन्धनमा अविश्वास बढाउने खेल
जेठ १८, २०८१ शुक्रबार
कांग्रेस मात्रै लोकतान्त्रिक पार्टी हो : नेता निधि
जेठ १७, २०८१ बिहिबार
मधेसमा नयाँ सत्ता समीकरण : जनमतको नेतृत्वमा सरकार बनाउने सहमति
जेठ १७, २०८१ बिहिबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
डीआईजी र एसएसपी सरुवामा गृहमन्त्रीको मनोमानी, ५ महिना नपुग्दै लखेटिए आचार्य
जेठ १७, २०८१ बिहिबार
सन्दीप लामिछानेलाई अमेरिकाले फेरि पनि दिएन भिसा
जेठ १७, २०८१ बिहिबार
गण्डकी नीति तथा योजना आयोग उपाध्यक्षमा देवकोटा
जेठ १८, २०८१ शुक्रबार
आज काठमाडौँमा हल्का वर्षा हुने पूर्वानुमान
जेठ १८, २०८१ शुक्रबार
बेलबारीमा बाल कला महोत्सव
जेठ १८, २०८१ शुक्रबार
किसानलाई अनुदानमा ट्रयाक्टर वितरण
जेठ १८, २०८१ शुक्रबार
तनहुँको खुदीखोलामा पक्की पुल बन्दै
जेठ १८, २०८१ शुक्रबार
अमेरिकी पूर्व राष्ट्रपति ट्रम्प सबै ३४ आरोपमा दोषी ठहर, जुलाई ११ मा सजाय तोकिने
जेठ १८, २०८१ शुक्रबार