एमालेको सचिवालय बैठक केन्द्रीय कार्यालयमा सुरू, नेम्वाङ बस्ने कुर्सीमा माला

२६ भदौ, काठमाडौं । नेकपा (एमाले)को सचिवालयकाे आकस्मिक बैठक ललितपुरको च्यासलस्थित पार्टी केन्द्रीय कार्यालयमा सुुरू भएको छ । पार्टीका उपाध्यक्ष एवं संसदीय दलका उपनेता एवं सचिवालय सदस्य  सुवासचन्द्र नेम्वाङको अप्रत्यासित निधनपछि आकस्मिक बैठक बसिरहेको छ । 

जारी बैठकमा बैठकमा नेम्वाङको कुर्सीमा माला राखिएको छ । नेम्वाङको गएराति १ः३० बजे नेता नेम्वाङ हृदयघातका निधन भएको थियो । उपचारका क्रममा त्रिवि शिक्षण अस्पताल महाराजगन्जमा निधन भएको थियो । बैठकले निधनपछि पार्टीकाे कर्तव्य र कार्यक्रमबारे निर्णय लिनेछ ।

नेम्वाङको निधनले पार्टी र सिंगो वामपन्थी आन्दोलनमा अपूरणीय क्षति भएको एमालेले जनाएको छ । नेम्वाङको पार्थिव शरीर मंगलबार र बुधबार दुई दिन श्रद्धाञ्जलीका लागि पार्टी केन्द्रीय कार्यालयमा राखिने भएको छ । पार्थिव शरीरलाई केहीबेर अघि मात्र केन्द्रीय कार्यालय पुर्याइएको छ । अन्त्येष्टि बुधबारमात्र गरिनेछ ।

नेम्वाङको अन्त्येष्टि राजकीय सम्मानसाथ गर्ने निर्णय सरकारको आज बिहान बसेको मन्त्रिपरिषदको आकस्मिक बैठकले गरिसकेको छ । नेम्वाङ २०६२/६३ पछि बनेको अन्तरिम संसद, पहिलो संविधानसभा २०६४ देखि दोस्रो संविधानसभा २०७० यता २०७२ मा संविधान जारी हुँदासम्म सभामुख थिए । 

उनी पछिल्लो पटक २०७९ मंसिर ४ मा सम्पन्न संघीय चुनावमा इलाम क्षेत्र नं. २ बाट प्रतिनिधिसभा सदस्य निर्वाचित थिए । नेम्वाङ देशभक्त र निष्ठानवान नेताको रुपमा परिचित थिए ।