सुनचाँदीको मूल्यमा उच्च गिरावट, तोलाको कति ?

२७ भदौ, काठमाडौं । बुधबार सुनचाँदीको मूल्यमा उच्च गिरावट आएको छ । नेपाल सुनचाँदी व्यवसायी महासङ्घका अनुसार मङ्गलबार प्रति तोला १ लाख १२ हजार रूपैयाँमा कारोबार भएको छापावाल सुनको भाउ बुधबार घटेर १ लाख ११ हजार २ सय रूपैयाँमा झरेको छ ।

यसैगरी, १ लाख ११ हजार ४ सय ५० रूपैयाँ पर्ने तेजावी सुनलाई आज १ लाख १० हजार ६ सय ५० रूपैयाँ पर्ने भएको छ । यता, चाँदीको भाउसमेत आज प्रति तोला १५ रूपैयाँले घटेको महासङ्घले जनाएको छ । यसअघि प्रति तोला १ हजार ४ सय ५ रूपैयाँ पर्ने चाँदीलाई आज १ हजार ३ सय ९० रूपैयाँ पर्नेछ ।