पाल्पामा तीज नाचगानमा विवाद हुँदा चक्कु प्रहार, एक युवाको गयाे ज्यान

१ असोज काठमाडौं । पाल्पामा तीज अवसरमा नाचगान भइरहेका बेला युवाहरुको दुई समूहबीच झगडा हुँदा भएको चक्कु प्रहारबाट एक युवकको हत्या भएको छ । आइतबार राति जिल्लाको तिनाउ गाउँपालिका–२ दोभान घोंडेबासका २४ वर्षीय सुनिल खत्रीको चक्कु प्रहार गरी हत्या भएको हो । 

महिलाहरु नाचगान गरिरहेका बेला युवाहरुबीच महिलाकाे विषयमा परेकाे विवादमा खत्रीमाथि चक्कु प्रहार भएको र उद्धार गरी उपचारका लागि लैजाने क्रममा बाटोमै मृत्यु भएको पाइएको जिल्ला प्रहरी कार्यालय पाल्पाले जनाएको छ । चक्कु प्रहार गर्ने र मारिने साथी साथी भएको खुलेको छ ।

चुक्कु प्रहार गरी हत्या भएकाे घटनामा प्रहरीले  ४ जना युवकलाई पक्राउ अनुसन्धान जारी राखेको छ ।