शिक्षा मन्त्रालयले आज बोलाएको वार्तामा शिक्षक महासंघ नबस्ने

२ असोज, काठमाडौं । बुधबार लागि देशभरबा विद्यालयहरुमा पठनपाठन ठप्प पार्ने घोषणा गरेको नेपाल शिक्षक महासंघले सरकारले आज बोलाएको वार्तामा नबस्ने जनाएको छ । शिक्षा, विज्ञान तथा प्रविधि मन्त्रालयले आउँदो ३ बजेका लागि सिंहदरबारमा छलफलमा बोलाएको छ । 

महासंघले शिक्षा मन्त्रालयसँग वार्ता गर्नुको औचित्य नभएको जनाएको छ । महासंघ सह-अध्यक्ष तथा आन्दोलन परिचालन समितिकी संयोजक नानुमाया पराजुलीले प्रधानमन्त्री तथा व्यवस्थापिकाले बोलाएको वार्तामा मात्र जाने बताइन् । आन्दोलनको विषय ‘शिक्षा मन्त्रालयको हातभन्दा बाहिर गइसकेको उनको भनाइ छ । 

संघीय शिक्षा ऐन संशोनधनका लागि बनेको विधेयक मन्त्रालयले छलफलका लागि गत हप्ता संसदमा दर्ता गराइसकेको छ । महासंघले विधेयकमा राखिएका शिक्षकलाई स्थानीय तहको अधिकारभित्र राख्ने, शिक्षण कालका शिक्षकले अन्य पेसा, व्यवसाय गर्न नपाउने, राजनीतिक दलका सदस्यता लिन नपाउने लगायत बुँदामा असहमति जनाउँदै भोलि असोज ३ गतेदेखि देशभरका विद्यालयहरुमा पठनपाठन ठप्प पार्ने र उपत्यका केन्द्रित आन्दोलन गर्ने घोषणा गरिसकेको छ ।