१३ वर्षअघि भएकाे भक्तमान श्रेष्ठ अपहरण घटनाका फरार आराेपीमध्ये एक जना प्रहरी नियन्त्रणमा
नेपालबहस संवाददाता
असोज ८, २०८० सोमबार १२:२५:४०
८ असोज, काठमाडौं । चितवनको भरतपुरस्थित बीपी मेमोरियल क्यान्सर अस्पतालका तत्कालीन कार्यकारी निर्देशक डाक्टर भक्तमान श्रेष्ठको अपरहरणमा संलग्न रही फरार भएकामध्ये एक जनालाई १३ वर्षपछि पक्राउ गर्न प्रहरी सफल भएकाे छ ।
प्रहरीले घटनापश्चात फरार रहेका नुवाकोटको विदुर नगरपलिका–१२ का ३९ वर्षीय लुप्पा भनिने सुब्बा तामाङलाई आइतबार पक्राउ गरेकाे हाे । उनलाई पक्राउ गरेर फैसला कार्यान्वयनको लागि आइतबार नै चितवन जिल्ला अदालतमा पठाइएको जिल्ला प्रहरी कार्यालय नुवाकोटले जनाएको छ ।
‘अपहरण तथा शरीर बन्धक मुद्दा’ मा चलेको मुद्दामा चितवन जिल्ला अदालतले उनलाई २०६९ जेठ २४ मा दोषी ठहर गर्दै १३ वर्ष कैद र एक लाख जरिवानाको फैसला सुनाएको थियो ।
४८ वर्षीय डाक्टर श्रेष्ठको २०६७ जेठ ४ मा भएको अपहरण र शरीर बन्धक कसुरमा तामाङको संलग्नता पाइएको थियो । अपहरण र त्यसपश्चात ३ किलो सुन फिरौती माग्न संलग्नमध्ये केही यसअघि नै पक्राउ परेर जेलमा छन् ।
अपहरणकारी राजेन्द्र पण्डितलाई २०७८ असाेज ६ मा नुवाकाेटबाट पक्राउ गरी सजाय भुक्तानका लागि जेल चलान गरिएकाे थियाे । पण्डितलाई उच्च अदालत हेटाैंडाले ९ वर्ष कैद र ५० हजार जरिवानाकाे फैसला सुनाएकाे थियाे । केही अझै फरार छन् ।
राति २२ः१५ बजे डा. श्रेष्ठ चितवन अस्पतालबाट हिमचुली विकास बैंकनजिकको मोडमा रहेको क्वाटरतर्फ जाने क्रममा अपहरणमा परेका थिए । अपहरणमा भीमसेन पण्डित, रोहित पलिवाल, बद्रीप्रसाद ढुंगाना, सुनील श्रेष्ठ, नवीन क्षेत्री, लुप्पा तामाङ भनिने सुब्बा तामाङ र गौतम योञ्जनकाे संलग्नता देखिएकाे थियाे । उनीहरूले श्रेष्ठलाइ अपहरणपछि नुवाकोट, काठमाडौं र धादिङका विभिन्न स्थानमा राखेका थिए ।
त्यतिबेला माओवादीका नेता डा. बाबुराम भट्टराई नेतृत्वकाे सरकार थियाे । जुन बेला सरकारकै मान्छेहरूले अपहरण गराएकाे आराेप समेत लगाइएकाे थियाे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपविष्णुमति करिडोर मिचेर निर्माण गरिएको संरचना भत्काइयो
जेठ २, २०८१ बुधबार
महानगरको पार्क र ट्राफिक आइल्याण्डको सुन्दरतामा काम गर्न ११० जना परिचालन
जेठ २, २०८१ बुधबार
विद्युतीय तारबारबाट जोगिन सूचना बोर्ड र साइरन मेसिन जडान गरिने
जेठ १, २०८१ मंगलबार
गिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
भान्सामा राखिएका यी चिजले घरमा गरिबी ल्याउछ आजै हटाउनुहोस्
जेठ २, २०८१ बुधबार
बिहिबारदेखि काठमाडौंका यी क्षेत्रमा ६ घण्टा विद्युत अवरुद्ध हुने
जेठ २, २०८१ बुधबार
हृदयाघातबाट दैनिक १० हजार युरोपेलीको मृत्यु
जेठ २, २०८१ बुधबार
लाङटाङ हिमाल पदमार्गमा सरसफाइ गरिने
जेठ २, २०८१ बुधबार
टेबल टेनिस खेलाडी स्यान्टु पेरिस ओलम्पिकमा छनोट
जेठ २, २०८१ बुधबार
दुबई र कुवेतमा कार्यालय खोलेर नेपालबाट मानव तस्करी
जेठ २, २०८१ बुधबार
ट्राफिकको यान्त्रिक चेकिङमा ५३ जना चालकमाथि कारबाही
जेठ २, २०८१ बुधबार
पेट्रोलियम पदार्थको मूल्य घट्यो
जेठ २, २०८१ बुधबार