एमाले बागमतीको पदाधिकारीमा पूर्वमाओवादी धारबाट एकमात्र उपसचिव पदमा रिताको प्रतिस्पर्धा

१२ असोज, कठमाडौं । नेकपा (एमाले)को बागमती प्रदेश प्रथम अधिवेशनमा नयाँ नेतृत्वसहितको टिम चयनका लागि जारी निर्वाचनमा पूर्वमाओवादी केन्द्रबाट एकमात्र उम्मेदवार रिता गौतम ढकालले उपसचिव पदमा प्रतिस्पर्धा गरिरहेकी छन् । 

पाँचजना पदाधिकारी निर्वाचित हुनेमा नेकपा विभाजनपछि केपी ओली नेतृत्वको समूहमा रहेर एमाले बनेकी पूर्वमाओवादी केन्द्र धारबाट गौतम एकमात्र उम्मेदवार हुन् ।

काभ्रेपलाञ्चोक चमण्डन देउपुरकी उनी तत्कालीन नेकपा माओवादी केन्द्रको केन्द्रीय सदस्य थिइन् । पार्टी एकतापछि  बनेको नेकपामा भने उनी केन्द्रीय कमिटीबाट प्रदेश तहमा झरेकी थिइन् ।

सर्वोच्चको परमादेशबाट नेकपा विभाजन भएर पूर्ववत् पार्टी ब्युँझिदा उनी प्रचण्डको साथ छाडेर ओली नेतृत्वको एमालेमा बसेकी थिइन् । एमाले रोक्जे क्रममा काभ्रेको साविक माओवादीका २८ जना जिल्ला कमिटी सदस्यसहित उनले नेतृत्व गरेकी थिइन् । 

उनी उनी २०७४ को स्थानीय तह निर्वाचनमा तत्कालीन माओवादी केन्द्रबाट मण्डन देउपुर नगरपालिकाको मेयर उम्मेदवार थिइन् । गौतम योपटक अध्यक्ष पदका उम्मेदवार रामेछापका कैलाश ढुंगेल प्यानलबाट महिला उपसचिवको उम्मेदवार उठेकी हुन् । उनीसँग काभ्रेकै पुराना एमाले नेतृ भक्तकुमारी लामा प्रतिस्पर्धामा छिन् । ढुंगेल पार्टी अध्यक्ष केपी शर्मा ओली पक्षधर हुन् ।