नेको इन्सुरेन्सको आज विशेष साधारणसभा, हकप्रद शेयर जारी गर्ने प्रस्ताव

१९ असोज, काठमाडौं । नेको इन्सुरेन्सको हकप्रद शेयर जारी गर्ने प्रस्ताव पारित गर्न आज शुक्रबार असोज १९ गते विशेष साधारण सभा बस्दैछ । विशेष साधारण सभा लिसारा रिसेप्सन, नक्साल काठमाडौंमा बिहान ११ बजेबाट सुरु हुनेछ ।

कम्पनीले हाल कायम चुक्ता पुँजीमा २५५ हकप्रद शेयर जारी गर्न लागेको हो । हकप्रद शेयरका लागि नियामक बिमा प्राधिकरणले अनुमति दिइसकेको छ । विशेष सभाबाट प्रस्ताव पारित भएपछि हकप्रद शेयर निष्काशन अनुमतिका लागि नेपाल धितोपत्र बोर्डमा आवेदन दिनुपर्छ ।

बोर्डले अनुमति दिएपछि मात्र हकप्रद शेयर जारी हुन्छ । सभा प्रयोजनका लागि यसले असोज १० गते बुक क्लोज गरिसकेको छ । यसआधारमा असोज ९ गतेसम्म कायम रहेका शेयरधनीले मात्र विशेष साधारणसभामा भाग लिन पाउनेछन् ।