एमाले मधेश कमिटीमा अध्यक्षसहित पदाधिकारी सर्वसम्मत चयन

२६ असोज, काठमाडाैं । नेकपा (एमाले) मधेश प्रदेश अध्यक्ष सहित पदाधिकारी सर्वसम्मत चयन भएको छ । सिरहाका चण्डेश्वर मण्डल अध्यक्षमा सर्वसम्मत निर्वाचित भएका छन् । 

यस्तै, अन्य पदाधिकारी पनि सर्वसम्मत चयन भएका छन् । उपाध्यक्षमा संविधान सभा सदस्य पर्साका विचारी यादव, सचिवमा बाराका मनोज पौडेल, उपसचिवमा आरती भण्डारी र मोहम्मद कैस चयन भएका छन् ।

अध्यक्षसहित ५ जना पदाधिकारीको नाममा सहमति जुटेको एमालेका मधेश प्रदेश संसदीय दलका नेता सरोजकुमार यादवले बताए । सदस्यहरूमा पनि सहमति गर्ने प्रयास भइरहेकाे उनले बताए । सहमति जुटन नसक्दा निर्वाचन मण्डलले बिहीबार राति निर्वाचन तालिका सार्वजनिक गरिसकेको थियो ।

अध्यक्ष मण्डल पार्टीका पोलिटब्यूरो सदस्य लिलानाथ श्रेष्ठका विश्वासपात्र हुन् भने उपाध्यक्ष विचारी यादव केन्द्रीय सचिव रघुवीर महासेठ निकटस्थ हुन् ।  यसअघि एमालेका ६ वटै प्रदेशमा चुनावबाट नेृतृत्वसहित कमिटी छानिएको थियो ।